மேஷம்: தாமதமாக இருந்த காரியங்களை தடாலடியாக நடத்துவீர்கள். அரசாங்க வேலைக்கு அப்ளிகேஷன் செய்யும் வாய்ப்பு ஏற்படும். சகோதர சகோதரிகளின் தொந்தரவால் வேலைக்குக் கவனம் செலுத்த முடியாமல் சங்கடப்படும் நிலை உருவாகலாம். மனைவியின் மனதிற்கு ஏற்றவாறு நடந்து கொண்டு, குடும்ப சூழ்நிலையை சமாளிப்பீர்கள். இடையூறுகளை தாண்டி வியாபாரத்தை முன்னேற்றி வருமானத்தை அதிகரிக்க முடியும்.
ரிஷபம்: துணிவுடன் தொழிலை நடத்தி, போட்டியாளர்களை வெற்றியால் பொறாமைப்பட வைப்பீர்கள். பழுதடைந்த மின்சார சாதனங்களை சரிசெய்வீர்கள். வியாபாரத்திற்காக வங்கியில் இருந்து பணம் பெறுவீர்கள். பிரிந்து போன உறவுகளை மீண்டும் சந்தித்து சமாதானப்படுத்துவீர்கள். குடும்பத்தினருடன் விருந்து நிகழ்ச்சிகளில் கலந்து கொண்டு மகிழ்வீர்கள்.
மிதுனம்: வெட்டித்தனமாக பேசாமல், வீண் வம்பை தவிர்க்க வேண்டிய நாள். கோபத்தில் பிறந்த வீட்டிற்கு சென்ற மனைவியை சமாதானப்படுத்தி அழைத்து வருவீர்கள். தந்தையின் மூட்டு வலிக்கு நாட்டு வைத்தியம் பார்ப்பீர்கள். வண்டி ஓட்டும்போது செல்போனில் பேச வேண்டாம். சகோதர சகோதரிகளின் புரிந்துகொள்ள முடியாத செயலால் மனஅழுத்தம் ஏற்படும். சந்திராஷ்டமம் இருப்பதால் எச்சரிக்கையாக செயல்படுங்கள்.
கடகம்: நீண்ட நாள் பகைகளை விலக்கி உறவுகளை பலப்படுத்துவீர்கள். சாதுர்யமாக பேசி மனைவியை சமாளிப்பீர்கள். இல்லத்திற்குத் தேவையான பொருட்களை வாங்குவீர்கள். போட்டி பந்தயங்களில் சாதகமான நிலையை அடைவீர்கள். தேவையான நேரத்தில் கிடைக்கும் உதவியால் தொழிலை விரிவுபடுத்துவீர்கள். வியாபாரத்தில் வெற்றி நடை போடுவீர்கள்.
சிம்மம்: ஒதுங்கி போனாலும் உறவுகளின் தொல்லைக்கு ஆளாக நேரிடும். மனத்திண்மையால் அதை முறியடிப்பீர்கள். மேலதிகாரிகளின் பாராட்டைப் பெற கடினமாக உழைப்பீர்கள். அடுத்தவர் விவகாரங்களில் தலையிடாமல் இருப்பது நல்லது. கொடுத்த கடனை வசூலிப்பதில் சிரமம் எதிர்நோக்குவீர்கள். வியாபாரம் சற்று மந்தமாக இருக்கும்.
கன்னி: ஏதோ ஒரு மனக்கவலையால் இரவில் தூக்கம் வராமல் தவிக்க நேரிடலாம். வியாபாரத்தில் இடையூறுகளை சந்திப்பீர்கள். தொழிலில் முன்னேறி மரியாதையை அதிகரிப்பீர்கள். காதலிக்கு பட்டுச்சேலை வாங்கி பரிசளிப்பீர்கள். முக்கிய வேலை காரணமாக வெளியூர் பயணம் மேற்கொள்வீர்கள். தொழில் வளர்ச்சிக்காக நண்பரிடம் உதவி பெறுவீர்கள்.
துலாம்: வருமானம் பல வழிகளில் பெருகும். வாகன கடன்களை அடைப்பீர்கள். பூர்வீக சொத்தை அடைய தேவையான ஏற்பாடுகளை செய்வீர்கள். உறவினர் பிரச்சனைகளை சாதுரியமாக பேசி தீர்த்து வைப்பீர்கள். தோட்டப் பயிர் செய்வதில் ஆர்வம் அதிகரிக்கும். தென்னந்தோப்பை சீர்படுத்துவதற்கான முயற்சிகள் ஏற்படும்.
விருச்சிகம்: பழைய நண்பர்களின் வருகையால் மனம் மகிழும். மகளின் திருமணத்திற்காக நகைகள் வாங்குவீர்கள். திருமண பேச்சுவார்த்தைகளை சிறப்பாக முடிப்பீர்கள். வியாபாரத்தில் புதிய யுக்திகளை பயன்படுத்தி லாபத்தை அதிகரிப்பீர்கள். வெளியூர் பயணங்கள் மூலம் புதிய ஆர்டர்களை பெறுவீர்கள். தொழிலாளர்களின் முழு ஒத்துழைப்பும் கிடைக்கும்.
தனுசு: தான தர்மங்களில் ஈடுபட்டு, ஏழை எளியோருக்கு உதவுவீர்கள். வெளி வட்டாரங்களில் உங்களின் புகழை அதிகரிக்க முடியும். எதிர்ப்புகளை தகர்த்து வெற்றியை காண்பீர்கள். தொழிலாளர்களின் ஒத்துழைப்பால் தொழிற்சாலையில் லாபம் அதிகரிக்கும். விடாமுயற்சியால் வியாபாரத்தில் முன்னேறுவீர்கள். புதிய மோட்டார் சைக்கிள் வாங்குவீர்கள்.
மகரம்: வாகனங்கள் பழுதாகி குறித்த நேரத்தில் வேலை முடிக்க முடியாமல் திண்டாடுவீர்கள். மனைவி, மக்களின் ஆசையை நிறைவேற்ற ஆடம்பரமாக செலவு செய்வீர்கள். கடன் வாங்கி சில அத்தியாவசிய செலவுகளை மேற்கொள்வீர்கள். வேலை இடங்களில் பணிச்சுமையால் அவதிப்படுவீர்கள். வியாபாரம் சுமாராக நடக்கும். அடகு வைத்த நகைக்கு வட்டி கட்ட வேண்டிய நிலை ஏற்படும்.
கும்பம்: வாகனங்களில் பயணிக்கும்போது அலட்சியம் காட்ட வேண்டாம். மோட்டார் சைக்கிளில் கண்டிப்பாக ஹெல்மெட் அணிய வேண்டும். ஞாபக மறதியால் நல்ல வாய்ப்புகளை இழக்க வாய்ப்பு உள்ளது. எந்த இடத்தில் எதை வைக்கிறோம் என்பதை மனதில் பதிய வைத்து செயல்படுவது நல்லது. திட்டமிட்டு செயல்பட்டால் வெற்றி உறுதி.
மீனம்: பங்குச்சந்தையில் முதலீடு செய்வீர்கள். ரியல் எஸ்டேட் தொழிலை நன்றாக நடத்துவீர்கள். வாங்கிய நிலத்தை நல்ல விலைக்கு விற்பீர்கள். வழக்குகள் உங்களுக்குச் சாதகமாக முடிந்து மகிழ்ச்சி கிடைக்கும். எதிர்பாராத இடத்திலிருந்து உதவி கிடைக்கும். வேலை இடங்களில் மரியாதையை உயர்த்துவீர்கள்.
