ஆரோமலே படக்குழுவினரை அழைத்து வாழ்த்திய நடிகர் சிவகார்த்திகேயன்

சென்னை: ஆரோமலே படத்தின் சிறப்பு காட்சியை பார்த்த நடிகர் சிவகார்த்திகேயன் படக்குழுவினை அழைத்து வாழ்த்தியுள்ளார்.

சாரங் தியாகு இயக்கத்தில் கிஷன் தாஸ், சிவாத்மிகா ராஜசேகர், ஹர்ஷத் கான், விடிவி கணேஷ் ஆகியோர் நடித்துள்ள திரைப்படம் ஆரோமலே.

இப்படத்தின் டைட்டில் ப்ரோமோ வெளிவந்த நாளில் இருந்தே இப்படத்தின் மீது ரசிகர்கள் மத்தியில் பெரும் எதிர்பார்ப்பு இருந்து வருகிறது. மினி ஸ்டுடியோஸ் நிறுவனம் தயாரித்துள்ள இந்த படத்திற்கு சித்து குமார் இசையமைத்துள்ளார்.

இப்படம் ‘யு/ஏ’ சான்றிதழ் பெற்றுள்ளது. இப்படம் இன்னும் 2 நாட்களில் வெளியாக உள்ள நிலையில், படத்தின் சிறப்பு காட்சியை பார்த்த நடிகர் சிவகார்த்திகேயன் படக்குழுவினை அழைத்து வாழ்த்தியுள்ளார்.

மேலும், அவர்களுடன் போட்டோஸ் எடுத்துள்ளார். தற்போது இது தொடர்பான போட்டோஸ் இணையத்தில் வைரலாகி வருகிறது.