சென்னை: திரு. மாணிக்கம் படத்தை பார்த்து விட்டு படக்குழுவினரை நடிகர் சிவக்குமார் பாராட்டியுள்ளார்.
இயக்குநர் நந்தா பெரியசாமி இயக்கத்தில் சமுத்திரக்கனி நடிப்பில் உருவாகி இருக்கும் படம் திரு மாணிக்கம். இந்த படத்தில் சமுத்திரக்கனி, அனன்யா, பாரதிராஜா, நாசர், தம்பிராமையா, ஸ்ரீமன், வடிவுக்கரசி, கருணாகரன், இளவரசு மற்றும் பலர் முக்கிய கதாபாத்திரங்களில் நடித்துள்ளனர். படம் 27ம் தேதி வெளியாகி மக்களிடையே நல்ல வரவேற்பை பெற்று வருகிறது.
சீதா ராமம் படத்தின் இசையமைப்பாளர் விஷால் சந்திரசேகர் இந்த படத்திற்கு இசையமைத்துள்ளார். இந்நிலையில் திரைப்படத்தை பார்த்த நடிகர் சிவக்குமார் படக்குழுவை பாராட்டியுள்ளார்.
இயக்குனர் நந்தா பெரியசாமி மற்றும் சமுத்திரகனி இருவரும் சிவக்குமாருடன் எடுத்துக்கொண்ட புகைப்படம் இணையத்தில் பகிர்ந்துள்ளனர்.
