சென்னை: கடந்த 4-ம் தேதி சென்னை எழும்பூர் ராஜரத்தினம் மைதானம் அருகே பிராமணர் சங்கம் சார்பில் ஆர்ப்பாட்டம் நடந்தது. இதில் நடிகை கஸ்தூரி பங்கேற்று 18 நிமிடங்கள் பேசினார். அப்போது தெலுங்கு சமூக பெண்களை அவதூறாக பேசியிருந்தார். தெலுங்கு பேசும் மக்கள் மற்றும் பெண்கள் குறித்து நடிகை கஸ்தூரி பேசிய பேச்சு சமூக வலைதளங்களில் வைரலானது.
இது தமிழகத்தில் வாழும் தெலுங்கு மக்களிடையே பெரும் அதிர்ச்சியை ஏற்படுத்தியது. நடிகை கஸ்தூரி மீது தமிழகம் முழுவதும் உள்ள தெலுங்கு மக்கள் போலீசில் புகார் அளித்துள்ளனர். அதே நேரத்தில் கஸ்தூரியின் பேச்சுக்கு பல்வேறு தரப்பினரும் கண்டனம் தெரிவித்து வருகின்றனர். இதனிடையே, அகில இந்திய தெலுங்கு கூட்டமைப்பு மற்றும் தமிழ் முன்னேற்றப் படையின் நிறுவனர் தலைவர் வீரலட்சுமி, சென்னை போலீஸ் கமிஷனர் அலுவலகத்தில் புகார் மனு ஒன்றை அளித்தார்.
மேலும், கோயம்பேடு காவல் நிலையத்தில் தெலுங்கு அமைப்பு சார்பில் புகார் அளிக்கப்பட்டது. நடிகை கஸ்தூரி மீது புகார்கள் குவிந்த நிலையில், சென்னை மாநகர காவல் ஆணையர் அருண் உத்தரவின் பேரில், எழும்பூர் போலீஸார் அவர் மீது பிஎன்எஸ் சட்டத்தின் 192, 196(1),(ஏ), 353(1) ஆகிய 4 பிரிவுகளின் கீழ் கடந்த வாரம் வழக்குப் பதிவு செய்தனர்.
(பி) மற்றும் 353(2). நடிகை கஸ்தூரியின் பேச்சால் இரு சமூகத்தினரிடையே மோதல் ஏற்படும் சூழ்நிலை ஏற்பட்டுள்ளதால், நடிகை கஸ்தூரியை அவதூறாக பேசியது குறித்து நேரில் விசாரணை நடத்த போலீசார் முடிவு செய்தனர். அதன்படி, சம்மன் அனுப்ப எழும்பூர் போலீசார் நேற்று போயஸ் கார்டனில் உள்ள நடிகை கஸ்தூரியின் வீட்டுக்கு சென்றனர். அங்கு அவரது வீடு பூட்டப்பட்டிருந்தது. அங்கிருந்து நடிகை கஸ்தூரியை செல்போனில் தொடர்பு கொண்டபோது, அவரது செல்போன் ‘சுவிட்ச் ஆப்’ செய்யப்பட்டிருந்தது.
இதனால் கஸ்தூரியின் வீட்டின் அருகே வசிப்பவர்களிடம் போலீசார் விசாரித்தபோது, கஸ்தூரி இரவோடு இரவாக வீட்டை பூட்டிவிட்டு அவசரமாக சென்றுவிட்டதாக தெரிவித்தனர். இதனால், நடிகை கஸ்தூரி, போலீஸ் கைதுக்கு பயந்து வீட்டை பூட்டிவிட்டு தலைமறைவாகி விட்டார். இருப்பினும் அவரை கைது செய்து விசாரணை நடத்துவதில் போலீசார் தீவிரம் காட்டி வருகின்றனர்.
அதே நேரத்தில் நடிகை கஸ்தூரி மீது நடவடிக்கை எடுக்கக் கோரி மதுரை போலீஸ் கமிஷனர் அலுவலகத்தில் புகார் அளிக்கப்பட்டது. அதன்படி திருப்பரங்குன்றம் போலீசார் 6 பிரிவுகளின் கீழ் வழக்கு பதிவு செய்தனர். இதன் காரணமாக நடிகை கஸ்தூரியிடமும் விசாரணை நடத்த திருப்பரங்குன்றம் போலீசார் முடிவு செய்துள்ளனர்.
இதேபோல், நடிகை கஸ்தூரி மீது கோவை போலீஸ் கமிஷனர் அலுவலகம் உட்பட தமிழகம் முழுவதும் உள்ள பல்வேறு மாவட்ட எஸ்பி அலுவலகங்களில் புகார் அளிக்கப்பட்டுள்ளது. மேலும் பிராமணர் சங்கம் இடஒதுக்கீட்டிற்கு எதிர்ப்பு தெரிவித்ததால் லஞ்சம் ஒழிந்தது.
இடஒதுக்கீட்டால் அரசுப் பணிக்கு வந்தவர்கள் ஊழல் செய்து சொத்துக் குவித்ததாக கஸ்தூரி கூறியிருந்தார். இது அரசு ஊழியர்கள் மத்தியிலும் அதிருப்தியை ஏற்படுத்தியது. இதையடுத்து, அரசு ஊழியர்கள் மீது ஆதாரமற்ற குற்றச்சாட்டுகளை கூறிய நடிகை கஸ்தூரி மீது நடவடிக்கை எடுக்க வேண்டும் என தமிழ்நாடு தலைமைச் செயலக சங்கம், தமிழ்நாடு தொழில்நுட்பக் கல்வித்துறை டாக்டர் அம்பேத்கர் எஸ்சி-எஸ்டி பணியாளர் நலச் சங்கம் உள்ளிட்ட பல்வேறு அரசு அமைப்புகள் முதல்வரிடம் கோரிக்கை விடுத்தன.
இந்நிலையில், புகாரின் பேரில் நடிகை கஸ்தூரியை கைது செய்யக் கோரி கும்பகோணம், மதுரை உள்ளிட்ட முக்கிய நகரங்களில் தெலுங்கு அமைப்புகள் மற்றும் அரசு ஊழியர் சங்கங்கள் சார்பில் போஸ்டர்கள் ஒட்டப்பட்டுள்ளன. நடிகை கஸ்தூரிக்கு எதிராக தமிழகம் முழுவதும் போராட்டம் நடைபெற்று வரும் நிலையில், தற்போது தலைமறைவாக உள்ள நடிகை கஸ்தூரியை கைது செய்ய தனிப்படை அமைக்கப்பட்டுள்ளதாக தகவல் வெளியாகியுள்ளது.
* ஆதாரமற்ற குற்றச்சாட்டுகளை கூறிய நடிகை கஸ்தூரி மீது நடவடிக்கை எடுக்க வேண்டும் என தமிழக தலைமை செயலக சங்கம், தமிழ்நாடு தொழில்நுட்ப கல்வித்துறை, டாக்டர் அம்பேத்கர் எஸ்சி-எஸ்டி பணியாளர் நல சங்கம் உள்ளிட்ட பல்வேறு அரசு அமைப்புகள் முதல்வரிடம் கோரிக்கை விடுத்துள்ளன.
* நடிகை கஸ்தூரியை கைது செய்யக் கோரி கும்பகோணம், மதுரை உள்ளிட்ட முக்கிய நகரங்களில் தெலுங்கு அமைப்புகள் மற்றும் அரசு ஊழியர் சங்கங்கள் சார்பில் போஸ்டர்கள் ஒட்டப்பட்டுள்ளன.
