ஹைதராபாத்: ஜூனியர் என்டிஆர் நடித்துள்ள ‘தேவரா’ திரைப்படம் நள்ளிரவு 1 மணிக்கு திரையரங்குகளில் வெளியாகும் என அறிவிக்கப்பட்டுள்ளதால், மாலையில் இருந்தே அவரது ரசிகர்கள் திரையரங்குகளில் கொண்டாடி வருகின்றனர்.
கொரட்டலா சிவா இயக்கத்தில் ஜூனியர் என்டிஆர், சைஃப் அலிகான், ஜான்வி கபூர், கலையரசன் மற்றும் பலர் நடித்துள்ள படம் ‘தேவரா’. ‘ஆர்ஆர்ஆர்’ படத்தின் மாபெரும் வெற்றிக்குப் பிறகு ஜூனியர் என்டிஆர் படம் வெளியாகும் என எதிர்பார்க்கப்படுகிறது.
பெரும் பொருட்செலவில் தயாரிக்கப்பட்டுள்ள இந்தப் படம் நாளை (செப்டம்பர் 27) வெளியாகவுள்ளது. தமிழ், தெலுங்கு, ஹிந்தி என அனைத்து மொழிகளிலும் வெளியாகவுள்ளது.
படத்தின் முதல் நாள் பிரீமியர் காட்சி ஆந்திரா மற்றும் தெலுங்கானாவில் அதிகாலை 1 மணிக்கு நடைபெறுகிறது. ‘ஆர்ஆர்ஆர்’ வெளியாகி இரண்டு ஆண்டுகளுக்குப் பிறகு ஜூனியர் என்டிஆரின் படம் திரையரங்குகளில் வருவதால், ஆரம்பம் முதலே அவரது ரசிகர்கள் இந்தப் படத்திற்காக ஆவலுடன் காத்துக் கொண்டிருந்தனர்.
இந்நிலையில், நள்ளிரவு காட்சிக்காக திரையரங்குகளின் வாசலில் பல அடி உயர கட்-அவுட்கள் வைக்கப்பட்டு, மாலை அணிவித்து, பால் அபிஷேகம், பட்டாசு வெடித்தல் உள்ளிட்ட நிகழ்ச்சிகள் நடைபெற்று வருகின்றன.
இது தொடர்பான வீடியோக்கள் சமூக வலைதளங்களில் வைரலாகி வருகிறது.
