சென்னை : நடிகர் சூர்யா நடித்துள்ள கங்குவா திரைப்படம் வெளியாவதில் சிக்கல் ஏற்பட்டுள்ளதாக தகவல்கள் வெளியாகி உள்ளன.
நடிகர் சூர்யா தற்போது ‘கங்குவா’ என்ற படத்தில் நடித்துள்ளார். இந்த படத்தை இயக்குனர் சிவா இயக்கியுள்ளார்.
இதில், திஷா பதானி, பாபி தியோல், யோகி பாபு, ரெடின் கிங்ஸ்லி உட்பட பலர் நடித்துள்ளனர். தற்போது படத்தின் போஸ்ட் புரொடக்ஷன் பணிகள் விறுவிறுப்பாக நடைப்பெற்று வருகிறது .
இப்படம் வரும் அக்டோபர் 10 ஆம் தேதி வெளியிடப்போவதாக படக்குழு அறிவித்து இருந்தது. படத்தின் டிரைலர் மற்றும் ஃபயர் சாங் எல்லாம் வெளியாகி ரசிகர்களிடையே நல்ல வரவேற்பை பெற்றது.
இந்நிலையில் கங்குவா படம் அக்டோபர் 10ஆம் தேதி ரிலீஸ் ஆகாது என்று தகவல்கள் வெளியாகின. இதுகுறித்து தயாரிப்பாளர் ஞானவேல்ராஜா செய்தியாளர் சந்திப்பில் ” இந்திய திரைத்துறைக்கு கங்குவா திரைப்படம் ஒரு பெருமையாக அமையும். படத்தின் ரிலீஸ் தேதி குறித்து விரைவில் அப்டேட் தருகிறோம்” என கூறியுள்ளார்.
இதனால் திரைப்படம் அக்டோபர் 10 வெளியாகவில்லை எனவும், மாற்று தேதி பின்னர் அறிவிக்கப்படும் என தெரிய வந்துள்ளது. இதனால் சூர்யா ரசிகர்கள் மிகவும் அதிருப்தியில் உள்ளனர்.
