ஆதிக் ரவிச்சந்திரன் இயக்கத்தில் அஜித், த்ரிஷா நடிப்பில் உருவாகியுள்ள படம் ‘குட் பேட் அக்லி’. கடந்த 10-ம் தேதி வெளியான இப்படத்தை மைத்ரி மூவி மேக்கர்ஸ் நிறுவனம் தயாரித்துள்ளது. இளையராஜா இசையமைத்த ‘ஒத்த ரூவா தாரே…’, ‘இளமை இதோ இதோ…’, ‘என் ஜோடி மஞ்சக்குருவி’ ஆகிய பாடல்கள் இதில் பயன்படுத்தப்பட்டுள்ளன.
இந்நிலையில் இளையராஜாவின் வக்கீல் சரவணன் தனது பாடல்களை அனுமதியின்றி பயன்படுத்தியதாக கூறி ‘குட் பேட் அக்லி’ படத்தின் தயாரிப்பாளருக்கு நோட்டீஸ் அனுப்பியுள்ளார். ‘குட் பேட் அக்லி’ பட தயாரிப்பாளருக்கு ரூ. 5 கோடி நஷ்டஈடு கேட்டு நோட்டீஸ் அனுப்பி உள்ளார். அதில், சம்பந்தப்பட்ட பாடல்களை ஒரு வாரத்தில் நீக்க வேண்டும் என்றும், பாடல்களை பயன்படுத்தியதற்காக 7 நாட்களுக்குள் நிபந்தனையற்ற மன்னிப்பு கேட்க வேண்டும் என்றும் கூறப்பட்டுள்ளது.
