சென்னை: சுரேஷ் காமாட்சி தயாரிப்பில் பாலா இயக்கத்தில் அருண் விஜய், ரோஷ்னி பிரகாஷ், ரீத்தா, சமுத்திரக்கனி, மிஷ்கின் உள்ளிட்ட பலர் நடிப்பில் உருவாகியுள்ள ‘வணங்கான்’ திரைப்படம் ரசிகர்களின் கவனத்தை ஈர்த்துள்ளது. இந்நிலையில், படத்தின் நன்றி தெரிவிக்கும் விழாவில் இயக்குனர் பாலா அளித்த பேட்டி வருமாறு:-
படத்தின் கதை சென்னையில் உள்ள ஒரு பள்ளியில் நடந்த உண்மை சம்பவம் என்பதை இங்கு பதிவு செய்கிறேன். எனவே, பெயரை குறிப்பிட விரும்பவில்லை. படத்தில் குறிப்பிடப்பட்டுள்ளதை விட பாலியல் துன்புறுத்தல்களுக்கு கடுமையான தண்டனைகள் வழங்கப்பட வேண்டும் என்பது எனது கருத்து. சூர்யா நடித்திருந்தால் படம் எப்படி இருந்திருக்கும் என்ற கேள்வி இப்போது தேவையில்லை.
ஏனெனில், அருண் விஜய்யுடன் படம் ஹிட் ஆகியுள்ளது. எல்லோரும் என்னைக் கொடுமைக்காரன் என்று சொல்லி என்னைக் கண்டு பயப்படுகிறார்கள். இதற்கு முன் எங்கேயாவது இப்படி நடந்திருக்கிறதா? தயாரிப்பாளர் சுரேஷ் காமாட்சி, அருண் விஜய் மற்றும் இதற்கு முன் என் படங்களில் நடித்தவர்களிடமும், என்னுடன் பணியாற்றியவர்களிடமும் கேளுங்கள். நான் எப்போதாவது ஒருவரைப் பார்த்து முகம் சுளித்திருக்கிறேனா என்பது உங்களுக்குத் தெரியும்.
என் படங்களில் நடித்த ஹீரோக்கள் மீண்டும் என் படங்களில் நடிக்க மாட்டீர்களா என்று கேட்கிறார்கள். ஏன் சூர்யா, ஆர்யா எல்லாரும் இதில் நடித்திருக்கிறார்கள். ‘மதகஜராஜா’ வெற்றிபெற விஷாலுக்கு எனது வாழ்த்துக்கள். நான் இயக்கிய ‘அவன்-இவன்’ படத்தில் பார்வை குறைபாடுள்ள கேரக்டரில் நடித்ததால்தான் சமீபத்தில் அவருக்கு உடல்நிலை சரியில்லை என்று சிலர் குற்றம் சாட்டுகிறார்கள். இன்னும் சிலர் நான் அவருடைய கண்களை மூடிவிட்டேன் என்று கூறுகிறார்கள். இதைப் பற்றி நான் என்ன சொல்ல முடியும்? அவர்கள் மனதில் தோன்றுவதைப் பேசுவார்கள். அதை யாரும் கவனிக்கத் தேவையில்லை.
