‘பிழை’, ‘தூவல்’ படங்களை இயக்கிய ராஜவேல் கிருஷ்ணா இயக்கத்தில் உருவாகியுள்ள படம் ‘எக்ஸ்ட்ரீம்’. இதில் ரட்சித்தா மகாலட்சுமி, அபி நட்சத்திரா, ஆனந்த் நாக், அமிரிதா ஷெல்டர், ராஜ்குமார், சிவம் மற்றும் பலர் நடித்துள்ளனர். சீகர் பிக்சர்ஸ் சார்பில் கமல்குமாரி மற்றும் ராஜ்குமார் தயாரித்துள்ளனர்.
படம் பற்றி ராஜவேல் கிருஷ்ணா கூறும்போது, “எக்ஸ்ட்ரீம் என்றால் அதீதமானது, மிகையானது. எல்லாவற்றிற்கும் ஒரு எல்லை உண்டு. அதைக் கடக்கும்போது ஏற்படும் விளைவுகள்தான் இந்தப் படத்தின் கதை. இது பெண்களுக்கான படம். நான் இயக்கிய ‘தூவல்’ திரைப்படம் பல்வேறு திரைப்பட விழாக்களில் 40 விருதுகளை வென்றது.
“இங்கு மக்கள் ஆதரவு இருந்தும், திரையரங்குகள் தராதது மிகுந்த ஏமாற்றம் அளிக்கிறது. இந்தப் படம் நல்ல வரவேற்பைப் பெறும் என நம்புகிறேன். எக்ஸ்ட்ரீம் வரும் 20-ம் தேதி வெளியாகிறது,” என்றார்.
