சபரிமலைக்கு வரும் பக்தர்கள் எதிர்பாரா சம்பவத்தை மையமாக வைத்து உருவாகியுள்ள படம் ‘சன்னிதானம் பிஓ’. இதில் யோகி பாபு, கன்னட நடிகர் ரூபேஷ் ஷெட்டி, வர்ஷா விஸ்வநாத் ஆகியோர் முக்கிய வேடங்களில் நடித்துள்ளனர்.
இவர்களுடன் சித்தாரா, பிரமோத் ஷெட்டி, மூணாறு ரமேஷ், கஜராஜ், ராஜா ருத்ரகொடி, சாத்விக் வினோத் சாகர் ஆகியோரும் நடித்துள்ளனர். இதை அமுதா சாரதி இயக்குகிறார். சர்வதா சினி கேரேஜ், ரேஜ் மற்றும் ஷிமோகா கிரியேஷன்ஸ் சார்பில் மதுசூதன் ராவ், வி. விவேகானந்தன், ஷபீர் பதான் ஆகியோர் தயாரிக்கின்றனர்.
இப்படத்தின் படப்பிடிப்பு கேரளாவில் சபரிமலை ஐயப்ப சன்னிதானம், பம்பாய், எருமேலி போன்ற இடங்களிலும், சென்னை, பொள்ளாச்சி ஆகிய இடங்களிலும் நடைபெற்று வருகிறது.
இந்தப் படத்தின் ஃபர்ஸ்ட் லுக் போஸ்டரை இயக்குநர் சேரன் மற்றும் நடிகை மஞ்சு வாரியர் ஆகியோர் வெளியிட்டுள்ளனர்.
