சென்னை: ஸ்வைப் ரைட் ஸ்டுடியோஸ் மற்றும் திங்க் ஸ்டுடியோஸ் சார்பில் சித்தார்த் ராவ் மற்றும் பல்லவி சிங் இணைந்து தயாரிக்கும் படம் ‘சொர்க்கவாசல்’. இதில் ஆர்ஜே பாலாஜி மற்றும் சானியா அய்யப்பன் நடித்துள்ளனர். பிரின்ஸ் ஆண்டர்சன் ஒளிப்பதிவு செய்துள்ளார்.
மலையாளத்தில் மம்முட்டி நடித்த ‘பிரம்மயுகம்’ படத்தின் இசையமைப்பாளர் கிறிஸ்டோ சேவியர் தமிழில் ‘சொர்க்கவாசல்’ படத்தின் மூலம் அறிமுகமாகிறார். தமிழ்பிரபா, அஸ்வின் ரவிச்சந்திரன், சித்தார்த் விஸ்வநாத் ஆகியோர் கதை எழுதியுள்ளனர். பா.ரஞ்சித் இயக்கத்தில் ரஜினிகாந்த் நடித்த ‘கபாலி’, ‘காலா’ ஆகிய படங்களில் இணை இயக்குநராகப் பணியாற்றிய சித்தார்த் விஸ்வநாத் திரைக்கதை, வசனம் எழுதி இயக்கியிருக்கிறார்.
படம் பற்றி அவர் கூறும்போது, ’சிறையை கதைக்களமாக கொண்டு உருவாகியுள்ள இப்படம், சிறைக்குள் இருக்கும் மக்களின் கடுமையான வாழ்க்கை பயணத்தை விவரிக்கிறது. தள்ளு வண்டியில் தோசை விற்கும் ஆர்.ஜே.பாலாஜி குற்றம் செய்து சிறைக்கு அனுப்பப்படுகிறார். அங்கு நடக்கும் குற்றங்கள் மற்றும் ஊழல்களை அவர் எப்படி கண்டுபிடிப்பார்? அவருக்கு ஏற்படும் பிரச்சனைகளை மையமாக வைத்து கதை இருக்கும். இப்படம் வரும் 29-ம் தேதி வெளியாகிறது.
