சென்னை: ‘கேங்கர்ஸ்’ படத்திற்குப் பிறகு நயன்தாரா நடிக்கும் ‘மூக்குத்தி அம்மன் 2’ படத்தைத் தொடங்க சுந்தர்.சி திட்டமிட்டுள்ளார். ஆனால், படம் தொடங்க சிறிது காலம் ஆனது. எனவே அதற்கு முன் ‘கலகலப்பு 3’ படத்தை தொடங்க சுந்தர்.சி முடிவு செய்துள்ளார். இதனை குஷ்பு தனது எக்ஸ் தளத்தில் உறுதி செய்துள்ளார்.
‘கலகலப்பு 3’ படத்தை குஷ்பு மற்றும் கண்ணன் ரவி இணைந்து தயாரித்துள்ளனர். இதில் யார் நடிப்பது என்பது குறித்த அறிவிப்பு விரைவில் வெளியாகும் என்றும் குஷ்பு குறிப்பிட்டுள்ளார். இதை முடித்துவிட்டு ‘மூக்குத்தி அம்மன் 2’ படத்தை தொடங்கவுள்ளார் சுந்தர் சி. ஆனால் கதை, திரைக்கதை எல்லாம் தயாராகிவிட்டது. சுந்தர்.சி இயக்கத்தில் வெளியான ‘கலகலப்பு’ படம் பெரும் வரவேற்பைப் பெற்றது.
விமல், மிர்ச்சி சிவா, அஞ்சலி, ஓவியா உள்ளிட்ட பலர் நடித்துள்ளனர். இதன் 2-ம் பாகத்தில் ஜீவா, ஜெய், மிர்ச்சி சிவா, நிகில் கல்ராணி, கத்ரின் தெரசா உள்ளிட்ட பலர் நடித்துள்ளனர். இரண்டாம் பாகமும் நல்ல வரவேற்பை பெற்றது. இதையடுத்து 3-ம் பாகத்தை உருவாக்க இருக்கிறார் சுந்தர் சி. இதிலும் விமல், மிர்ச்சி சிவா நடிப்பதாக செய்திகள் வெளியாகியுள்ளன.
