பிரபல மலையாள நடிகை ஸ்வேதா மேனன். நான் அவனில்லை 2, துணை முதல்வர், சினேகிதியே, அரவான் உள்ளிட்ட தமிழ் படங்களில் நடித்துள்ளார். அவர் இந்தியிலும் நடித்துள்ளார், மேலும் மலையாள நடிகர் சங்கத் தேர்தலில் தலைவர் பதவிக்கு போட்டியிட விண்ணப்பித்துள்ளார்.
தேர்தல் வரும் 15-ம் தேதி நடைபெறும். இந்த நிலையில், பணத்திற்காக ஆபாசக் காட்சிகளில் நடித்ததாகக் கூறி கொச்சி போலீசார் அவர் மீது வழக்குப் பதிவு செய்துள்ளனர். ஸ்வேதா மேனன் திரைப்படங்கள் மற்றும் விளம்பரங்களில் பணத்திற்காக ஆபாசக் காட்சிகளில் நடித்ததாகவும், அந்தக் காட்சிகளை சமூக ஊடகங்கள் மற்றும் ஆபாச தளங்களில் வெளியிட்டு பணம் சம்பாதித்ததாகவும் சமூக ஆர்வலர் மார்ட்டின் மெனச்சேரி எர்ணாகுளம் நீதிமன்றத்தில் வழக்குத் தொடர்ந்தார்.
ஆதாரமாக, ஸ்வேதா நடித்த விளம்பரப் படத்தையும், ரதிநிர்வேதம், பலேரிமாணிக்கம், களிமண்ணு போன்ற படங்களில் அவர் நடித்த காட்சிகளையும் அவர் மேற்கோள் காட்டினார். நீதிமன்ற உத்தரவின்படி, கொச்சி போலீசார் ஸ்வேதா மீது வழக்குப் பதிவு செய்துள்ளனர். இதைத் தொடர்ந்து, ஸ்வேதா மேனன் தனக்கு எதிரான வழக்கை ரத்து செய்யக் கோரி கேரள உயர் நீதிமன்றத்தில் மனு தாக்கல் செய்தார்.
மலையாள நடிகர் சங்கத்தின் தலைவர் பதவிக்கு போட்டியிடும் போது தவறான நோக்கத்துடன் புகார் அளிக்கப்பட்டு வழக்கு பதிவு செய்யப்பட்டதாக அவர் குற்றம் சாட்டியிருந்தார். இந்த வழக்கை விசாரித்த கேரள உயர் நீதிமன்ற நீதிபதி வி.ஜி. அருண், ஸ்வேதா மேனனுக்கு எதிரான நடவடிக்கைகளுக்கு இடைக்காலத் தடை விதித்து உத்தரவிட்டார்.
