ஹைதராபாத் : தெலுங்கு நடிகர் நானியின் ஹிட் 3 படத்தின் டிரைலர் வெளியாகி ரசிகர்களை உற்சாகத்தில் ஆழ்த்தியுள்ளது என தகவல்கள் வெளியாகி உள்ளன.
தெலுங்கு திரையுலகில் முன்னணி நடிகராக வலம் வருபவர் நானி. ‘சூர்யாவின் சனிக்கிழமை’ படத்தை தொடர்ந்து நானி, ‘ஹிட் 3’ படத்தில் நடித்து வருகிறார். கே.ஜி.எப் நடிகை ஸ்ரீநிதி ஷெட்டி கதாநாயகியாக நடித்திருக்கும் இப்படத்தை பிரபல இயக்குனர் சைலேஷ் கொலானு இயக்குகிறார்.
இப்படத்தின் முதல் இரண்டு பாகங்கள் பெரிய ஹிட் அடித்ததைத் தொடர்ந்து மூன்றாம் பாகம் தயாராகி வருகிறது. பிரசாந்தி திபிர்னேனி தயாரிப்பில் உருவாகும் இப்படம் வருகிற மே மாதம் 1-ம் தேதி திரைக்கு வருகிறது. ஏற்கனவே இப்படத்தின் முதல் பாடலான ‘காதல் வெல்லுமா’ வெளியாகி வைரலானது.
இந்நிலையில் ‘ஹிட் 3’ படத்தின் டிரெய்லரை படக்குழு வெளியிட்டுள்ளது. இது ரசிகர்கள் மத்தியில் வரவேற்பை பெற்றுள்ளது.
