சென்னை: நடிகர் விஜய்யின் 68-வது படமாக ‘தி கிரேட்டஸ்ட் ஆஃப் ஆல் டைம்’ (தி கோட்) உருவாகி இருக்கிறது.
வெங்கட் பிரபு இயக்கிய இப்படத்தில் விஜய்யுடன் பிரசாந்த், பிரபுதேவா, லைலா, சினேகா, மோகன், ஜெயராம், வைபவ், பிரேம்ஜி, மீனாட்சி சவுத்ரி மற்றும் பலர் முக்கிய வேடங்களில் நடித்துள்ளனர்.
ஏஜிஎஸ் நிறுவனம் தயாரிக்கும் இப்படத்திற்கு யுவன் ஷங்கர் ராஜா இசையமைத்துள்ளார். செப்., 5-ம் தேதி வெளியாகும் இதன் டிரைலர் சமீபத்தில் வெளியாகி பெரும் வரவேற்பை பெற்றது.
தற்போது இப்படத்தின் 3 பாடல்களை படக்குழுவினர் வெளியிட்டுள்ளனர். முதல் சிங்கிள் ‘விசில் போடு’ வெளியாகி ரசிகர்களிடம் கலவையான விமர்சனங்களைப் பெற்றது.
விஜய் பிறந்தநாளை முன்னிட்டு ‘சின்ன சின்ன கண்கள்’ என்ற இரண்டாவது சிங்கிள் பாடல் வெளியானது. மறைந்த பாடகி பவதாரிணியின் குரலை AI மீண்டும் உருவாக்கி பாடல் வெளியிடப்பட்டது.
இதையடுத்து யுவன் குரலில் ‘ஸ்பார்க்’ பாடலும் சமீபத்தில் வெளியானது. இந்நிலையில் இப்படத்தில் இடம்பெற்றுள்ள 4-வது சிங்கிள் பாடல் ஆகஸ்ட் 31-ம் தேதி வெளியாகும் என படக்குழு அறிவித்துள்ளது.
