2017-ம் ஆண்டு மலையாள நடிகை ஒருவர் பாலியல் வன்கொடுமைக்கு ஆளான பிறகு, மலையாள சினிமா துறையில் பணிபுரியும் பெண்களுக்காக ‘Women in Cinema Collective’ (WCC) என்ற அமைப்பு தொடங்கப்பட்டது. இந்த அமைப்பின் தொடர்ச்சியான கோரிக்கையின் காரணமாக மலையாள திரைப்பட துறையில் பெண்கள் எதிர்கொள்ளும் பாலியல் பிரச்சனைகளை ஆய்வு செய்ய ஹேமா குழு உருவாக்கப்பட்டது.
இந்த சூழ்நிலையில், ஹேமா கமிட்டி அறிக்கை சமர்ப்பிக்கப்பட்டு 5 ஆண்டுகளுக்கும் மேலாகியும் இதுவரை எந்த நடவடிக்கையும் எடுக்கப்படாதது குறித்து நடிகை பார்வதி திருவோத்து கேரள அரசிடம் கேள்வி எழுப்பியுள்ளார். பார்வதி தனது இன்ஸ்டாகிராம் ஸ்டோரியில் கேரள முதல்வர் பினராயி விஜயனை நேரடியாகக் குறிப்பிட்டுள்ளார். அதில், “ஹேமா கமிட்டி அமைக்கப்பட்டதற்கான உண்மையான காரணத்தில் இப்போது கவனம் செலுத்த முடியுமா?
சினிமா துறையில் விதிமுறைகளை உருவாக்க உதவும் கொள்கைகள் எப்போது செயல்படுத்தப்படும்? அறிக்கை சமர்ப்பிக்கப்பட்டு ஐந்தரை ஆண்டுகள் மட்டுமே ஆகிறது, அவசரப்பட வேண்டிய அவசியமில்லை” என்று பார்வதி வெளிப்படையாகக் கூறினார். ஹேமா கமிட்டி தொடர்பான வழக்குகளை விசாரிக்கும் சிறப்பு புலனாய்வுக் குழு அவற்றை முடிவுக்குக் கொண்டுவரத் தயாராகி வருவதாக தகவல்கள் வெளியானதை அடுத்து பார்வதி இதைப் பதிவிட்டார்.
