தினமும் ஒரே மாதிரியான சாம்பார் அல்லது நார்மல் சட்னிகளோடு இட்லி, தோசை சாப்பிடும் போது சலிப்பாகத்தான் இருக்கும். அப்போது, வித்தியாசமாகவும், சத்தானதுமான சுரைக்காய் சட்னி உங்கள் காலை உணவுக்கு ஒரு புதுமையான சுவையைத் தரும். இந்த சட்னி சுவையோடு, ஆரோக்கிய நன்மைகளும் கொண்டது என்பதால் உங்கள் குடும்பத்தினரையும் இன்புறுத்தும். குறிப்பாக சர்க்கரை நோயாளிகளுக்கு இது மிகவும் ஏற்ற உணவாக அமையும்.
சுரைக்காயின் தோலை நீக்கி சிறிய துண்டுகளாக நறுக்கி வைத்துக் கொள்ளவும். ஒரு வாணலியில் சிறிதளவு எண்ணெய் ஊற்றி, சுரைக்காய் துண்டுகள், பச்சை மிளகாய், இஞ்சி, பூண்டு, சீரகம், கொத்தமல்லி மற்றும் கருவேப்பிலை சேர்த்து நன்றாக வதக்க வேண்டும். சுரைக்காயின் நீர் அடங்கும் வரை மெதுவாக வதக்கி வைத்தால் சுவை இன்னும் சிறந்து விளங்கும். இதை நன்றாக ஆறவைத்த பிறகு மிக்ஸியில் சேர்த்து அரைக்கவும்.
அரைத்த கலவையில் தயிர் ஒரு டம்ளர் அளவு சேர்த்து மீண்டும் நன்றாக அரைக்க வேண்டும். தயிர் சேர்ப்பதால் சட்னிக்கு நல்ல மென்மையும் சிறந்த சுவையும் கிடைக்கும். இதை சற்று திக்காக வைத்தாலே கூட, இட்லி, தோசைக்கு அருமையாக நன்கு ஒட்டும் வகையில் இருக்கும். இறுதியாக ஒரு சிறிய கடாயில் எண்ணெய் ஊற்றி, கடுகு, உளுத்தம் பருப்பு, கடலைப்பருப்பு, வரமிளகாய், கருவேப்பிலை சேர்த்து தாளித்து சட்னியில் ஊற்ற வேண்டும்.
இவ்வாறு சுரைக்காயை அடிப்படையாக கொண்டு சத்தான சட்னி ஒன்றை வீட்டில் எளிதாக செய்யலாம். தினசரி உணவில் மாற்றத்தை தேடுபவர்களுக்கு இது ஒரு சிறந்த சாய்ஸ். இட்லி, தோசைக்கு மேலே இந்த சட்னியை ஊற்றி சாப்பிட்டால், சுவையோடு, ஆரோக்கியமும் ஒருங்கிணையும் உணவாக இது இருக்கும்.
