ஆரோக்கியமான நொறுக்குத்தீனி கோதுமை மாவு பக்கோடா செய்வது எப்படி?

சென்னை: மாலை நேரத்தில் உங்கள் குழந்தைகளுக்கு ஆரோக்கியமானதும், நொறுக்குத்தீனியுமான கோதுமை மாவு பக்கோடா செய்து கொடுங்கள்.

தேவையான பொருட்கள் :

கோதுமை மாவு – 2 கப்
கடலை மாவு – ஒரு கப்
அரிசி மாவு – அரை கப்
வெங்காயம் – ஒன்று
பச்சை மிளகாய் – 6
இஞ்சி – சிறு துண்டு
சமையல் சோடா – ஒரு சிட்டிகை
கறிவேப்பிலை, கொத்தமல்லி – சிறிதளவு
எண்ணெய், உப்பு – தேவையான அளவு.

செய்முறை: வெங்காயம், கொத்தமல்லி, பச்சை மிளகாயை பொடியாக நறுக்கி கொள்ளவும். இஞ்சியை தோல் சீவி, துருவிக்கொள்ளவும். ஒரு பாத்திரத்தில் கோதுமை மாவு, கடலை மாவு, அரிசி மாவு போட்டு நன்றாக கலந்த அதனுடன் கறிவேப்பிலை, நறுக்கிய பச்சை மிளகாய், வெங்காயம், இஞ்சி துருவல், கொத்தமல்லி, உப்பு, சமையல்சோடா சேர்த்துக் கலந்து, லேசாக தண்ணீர் தெளித்து, பகோடா மாவு போல பிசிறி கொள்ளவும்.

கடாயை அடுப்பில் வைத்து எண்ணெய் ஊற்றி சூடானதும் பிசிறிய மாவை எடுத்து கிள்ளிப் போட்டு, பொரித்து எடுக்கவும். சூப்பரான கோதுமை பக்கோடா தயார்.