சென்னை: குழந்தைகள் முதல் பெரியவர்கள் வரை உடலுக்கு ஆரோக்கியத்தை அளிக்கும் சத்தான மணத்தக்காளி சூப் செய்து கொடுத்து அசத்துங்கள்.
தேவையான பொருட்கள்:
மணத்தக்காளி – அரை கட்டு
பருப்பு தண்ணீர் – 1 கப்
மிளகு, மஞ்சள் தூள் – தலா ஒரு சிட்டிகை
இந்துப்பு – ஒரு சிட்டிகை
சீரகம் – அரை டீஸ்பூன்
செய்முறை: மணத்தக்காளி கீரையை நன்றாக சுத்தம் செய்து பொடியாக நறுக்கி கொள்ளவும். பொடியாக நறுக்கிய மணத்தக்காளி கீரையை, சீரகம் சேர்த்து சிறிது தண்ணீர் ஊற்றி வேகவிடவும்.
நன்கு வெந்ததும் அதில் பருப்பு தண்ணீர் ஊற்றி கொதிக்க வைக்கவும். கீழே இறக்கி வைப்பதற்கு முன் மிளகுத்தூள், இந்துப்பு சேர்த்து இறக்கி விடலாம். சத்தான ஆரோக்கியம் நிறைந்த மணத்தக்காளி கீரை சூப் தயார்.
