19 வயதுக்குட்பட்டோருக்கான ஆசிய கோப்பை கிரிக்கெட் தொடரின் 11வது சீசன் ஐக்கிய அரபு அமீரகத்தில் (யுஏஇ) நடந்து வருகிறது. ஷார்ஜாவில் நடைபெற்ற ‘ஏ’ குரூப் லீக் ஆட்டத்தில் இந்தியா மற்றும் ஐக்கிய அரபு எமிரேட்ஸ் அணிகள் மோதின. டாஸ் வென்ற UAE பேட்டிங்கை தேர்வு செய்தது.
ஐக்கிய அரபு எமிரேட்ஸ் அணிக்கு ஆர்யன் சக்சேனா (9), அக்ஷத் ராய் (26) சிறப்பான தொடக்கத்தை அளித்தனர். யாயின் (0) ஏமாற்றமடைய, எதன் டிசோசா (17), முகமது ரியான் (35) ஆகியோர் மிடில் ஆர்டருக்கு உதவினார்கள். கேப்டன் அப்சல் கான் 5 ரன்கள் மட்டுமே எடுத்தார். எஞ்சிய வீரர்கள் அணியை கைவிட்டு வெளியேற, ஐக்கிய அரபு எமிரேட்ஸ் அணி 44 ஓவர்களில் 137 ரன்களுக்கு ஆட்டமிழந்தது. இந்திய அணி சார்பில் யுதாஜித் குஹா 3 விக்கெட்டுகளையும், சேத்தன் சர்மா 2 விக்கெட்டுகளையும், ஹர்திக் ராஜ் 2 விக்கெட்டுகளையும் வீழ்த்தினர்.
எளிய இலக்கை துரத்திய இந்திய அணிக்கு 13 வயது வைபவ் சூர்யவன்ஷி மற்றும் ஆயுஷ் மாத்ரே ஜோடி சிறப்பான பேட்டிங்கை வெளிப்படுத்தியது. ஆயுஷ் பவுண்டரிகளையும், சூர்யவன்ஷி சிக்ஸர்களையும் அடித்தார். இருவரும் தங்கள் பங்கிற்கு அரை சதம் கடந்தனர். இறுதியில் சூர்யவன்ஷி ஒரு சிக்சர் அடிக்க, இந்தியா 16.1 ஓவரில் விக்கெட் இழப்பின்றி 143 ரன்கள் எடுத்து 10 விக்கெட் வித்தியாசத்தில் வெற்றி பெற்றது.
சூர்யவன்ஷி 76 (6×6, 3×4), ஆயுஷ் 67 (4×6, 4×4) ரன்களுடன் ஆட்டமிழக்காமல் இருந்தனர்.
இந்தியா லீக் சுற்றில் விளையாடிய 3 ஆட்டங்களில் 2 வெற்றியும், 1 தோல்வியும் அடைந்து 4 புள்ளிகளைப் பெற்றது. பட்டியலில் இரண்டாவது இடத்தைப் பிடித்து அரையிறுதிக்கு முன்னேறினர். நாளை இலங்கையை எதிர்கொள்கிறது.
