பெங்களூரு: கர்நாடகா மாநிலம் யாதகிரி மாவட்டத்தில், 100 நாள் வேலை திட்டம் எனப்படும், மகாத்மா காந்தி தேசிய ஊரக வேலை உறுதித் திட்டத்தில் உள்ள குறைபாடுகளை நிவர்த்தி செய்ய, மார்ச் மாதம் மையங்கள் திறக்கப்பட்டன. அப்போது, சில ஊராட்சிகளில் மோசடி அதிகமாக நடப்பதாக சிலர் போட்டோ அடையாள அட்டைகளை அதிகாரிகளிடம் கொடுத்தனர்.
அந்த புகைப்படங்களை பார்த்த அதிகாரிகள் அதிர்ச்சி அடைந்தனர். அதாவது ஏரிக்கரையில் பணிபுரியும் போது சில ஆண்கள் புடவை உடுத்தி, தலையில் முக்காடு போட்டு படம் எடுத்துள்ளனர். இந்த படங்கள் 100 வேலைகளுக்காக தேசிய மொபைல் கண்காணிப்பு சேவையில் (NMMS) பதிவு செய்யப்பட்டு அவர்களுக்கு சம்பளம் கிடைத்தது.
இவ்வகை வழக்கில் ரூ.3 லட்சம் வரை மோசடி செய்துள்ளார். இப்போது பெரிய பிரச்சனையாகிவிட்டது. இதுகுறித்து பஞ்சாயத்து உறுப்பினர் மல்லேஷ் கூறுகையில், “சில அதிகாரிகள், வெளியூர் ஆட்களை கமிஷனர் என அழைத்து, பணியமர்த்தி, கணக்கு காட்டி, சம்பளம் பெற்றனர்.” இந்த முறைகேட்டில் ஈடுபட்ட அதிகாரிகள் மீது, கடும் நடவடிக்கை எடுக்க வேண்டும்,” என்றார்.
