பெண் கமாண்டோ ஒருவர் பிரதமருடன் இருக்கும் புகைப்படம் தற்போது சமூக வலைதளங்களில் வைரலாகி வருகிறது. இந்தியாவில், பிரதமர் மற்றும் அவரது குடும்பத்தினர் அவரது அதிகாரப்பூர்வ இல்லத்தில் தங்கியுள்ளனர், முன்னாள் பிரதமர்கள் மற்றும் அவர்களது குடும்பத்தினருக்கு சிறப்பு பாதுகாப்புக் குழுவின் (SPG) கமாண்டோக்கள் மூலம் உயரடுக்கு பாதுகாப்பு வழங்கப்படுகிறது.
இந்த சிறப்பு பாதுகாப்பு படை 1985-ம் ஆண்டு உருவாக்கப்பட்டது. இந்த வீரர்கள் பிரதமர் பயணம் செய்யும் இடங்களுக்கு சென்று பாதுகாப்பு வழங்குகின்றனர். இந்த சிறப்புப் பாதுகாப்புப் படையில், துணை ராணுவப் படையினர், மத்திய ஆயுதப் போலீஸ் படைகள் (சிஏபிஎஃப்), மத்திய ரிசர்வ் போலீஸ் படை (சிஆர்பிஎஃப்), மாநில சிறப்புக் காவல் படைகள் மற்றும் மத்திய புலனாய்வு ஏஜென்சி (சிபிஐ) சிறப்புப் பயிற்சி பெற்ற மற்றும் பணியமர்த்தப்பட்டவர்கள் அடங்குவர்.
இந்நிலையில் பிரதமர் மோடியின் சிறப்பு பாதுகாப்பு படையில் முதல் முறையாக பெண் கமாண்டோ நியமிக்கப்பட்டு பிரதமரின் பாதுகாப்பு பணியில் ஈடுபட்டுள்ளார். பிரதமர் மோடியுடன் பெண் கமாண்டோ ஒருவர் இருக்கும் புகைப்படம் தற்போது சமூக வலைதளங்களில் வெளியாகி வைரலாகி வருகிறது. இந்த புகைப்படத்தை பாஜக எம்பியும், பாலிவுட் நடிகையுமான கங்கனா ரனாவத் தனது சமூக வலைதள பக்கத்தில் பகிர்ந்துள்ளார்.
பெண் கமாண்டோ யார், அவர் எந்த கிராமத்தை சேர்ந்தவர், எந்தப் படையில் இருந்து எஸ்பிஜியில் சேர்ந்தார் என்பது பற்றிய விவரங்கள் தெரியவில்லை. இதுகுறித்து எஸ்பிஜி அதிகாரிகள் கூறுகையில், 2015-ம் ஆண்டு முதல் பெண் கமாண்டோக்கள் சிறப்பு பாதுகாப்புக் குழுவில் (எஸ்பிஜி) சேர்க்கப்பட்டுள்ளனர். வழக்கமாக நாடாளுமன்ற நுழைவு வாயிலில் எஸ்பிஜி பெண் கமாண்டோக்கள் நிறுத்தப்படுவார்கள்.
உள்ளே நுழையும் பெண்களை சோதனை செய்து உள்ளே அனுப்பும் பணியில் ஈடுபட்டுள்ளனர். தற்போது எஸ்பிஜியில் 100 பெண் கமாண்டோக்கள் உள்ளனர். பார்லிமென்ட் குளிர்கால கூட்டத்தொடரில் பங்கேற்க பிரதமர் வந்தபோது, பெண் கமாண்டோ ஒருவர் பாதுகாப்பு பணியில் ஈடுபட்டிருந்தார். அந்த புகைப்படம் தற்போது வைரலாகி வருகிறது,” என்றனர்.
