பெங்களூரு: ஹைதராபாத்தை தளமாகக் கொண்ட பீபிள் பல்ஸ் கர்நாடகாவின் அரசியல் நிலைமை குறித்து ஒரு கருத்துக் கணிப்பு நடத்தியது. இதில், 10,481 பேரிடம் கேள்விகள் கேட்கப்பட்டு, முடிவுகள் தொகுக்கப்பட்டுள்ளன. அதில் கூறியிருப்பதாவது:- முதல்வர் சித்தராமையா தலைமையிலான காங்கிரஸ் அரசு நன்றாக இருப்பதாக 48.4% பேர் கூறியுள்ளனர். அடுத்த முதல்வராக யாரைத் தேர்ந்தெடுப்பீர்கள் என்று கேட்டபோது, சித்தராமையா முதலிடத்தில் உள்ளார்.
அடுத்த இடங்களில் டி.கே. சிவகுமார், எடியூரப்பா, விஜயேந்திரா (எடியூரப்பாவின் மகன்) மற்றும் பசவராஜ் பொம்மை ஆகியோர் உள்ளனர். இதேபோல், அடுத்த தேர்தலில் யாருக்கு வாக்களிப்பீர்கள் என்று கேட்டபோது, 58% பேர் பாஜகவுக்கு வாக்களிப்போம் என்று கூறினர். இதன் மூலம், பாஜக எளிய பெரும்பான்மையுடன் ஆட்சிக்கு வரும். மொத்தமுள்ள 224 இடங்களில், பாஜக 136 முதல் 159 இடங்களை வெல்லும். இதன் மூலம், பாஜக எளிய பெரும்பான்மையைப் பெற்று சொந்தமாக ஆட்சி அமைக்க வாய்ப்பு இருப்பதாக அவர்கள் கூறினர்.
காங்கிரஸ் 62 முதல் 82 இடங்களைப் பெறும். ஜேடி(எஸ்) கட்சியின் வாக்குப் பங்கு 18 சதவீதத்திலிருந்து 6 சதவீதமாகக் குறையும். இதன் விளைவாக அந்தக் கட்சி 3 முதல் 6 இடங்களை மட்டுமே வெல்லும். இவ்வாறு அதில் கூறப்பட்டுள்ளது.
