புது டெல்லி: நாட்டின் 76-வது குடியரசு தினம் வரும் 26-ம் தேதி கொண்டாடப்பட உள்ளது. இந்த சந்தர்ப்பத்தில், டெல்லியின் கடமை பாதையில் ஒரு பிரமாண்டமான குடியரசு தின அணிவகுப்பு நடைபெறும். இந்த அணிவகுப்பைக் காண பல்வேறு துறைகளில் சாதனை படைத்த 10,000 பொது மக்களை மத்திய அரசு சிறப்பு விருந்தினர்களாக அழைத்துள்ளது.
பாதுகாப்பு அமைச்சகம் நேற்று வெளியிட்ட அறிக்கையில், ‘தேசிய முக்கியத்துவம் வாய்ந்த விழாக்களில் பொதுமக்கள் பங்கேற்பை அதிகரிக்கும் நோக்கில், குடியரசு தின அணிவகுப்பைக் காண 10,000 சிறப்பு விருந்தினர்கள் அழைக்கப்பட்டுள்ளனர். இதில் பாராலிம்பிக் பங்கேற்பாளர்கள், செஸ் ஒலிம்பியாட் பதக்கம் வென்றவர்கள், சிறந்த கிராமத் தலைவர்கள், கைவினைஞர்கள், பேரிடர் நிவாரணப் பணியாளர்கள், சிறந்த தொடக்க நிறுவனர்கள், சாலை கட்டுமானத் தொழிலாளர்கள் மற்றும் 31 துறைகளில் வெற்றி பெற்று பொன்னான இந்தியாவை உருவாக்க பங்களித்தவர்கள் அடங்குவர்.
அவர்கள் அணிவகுப்பைப் பார்ப்பதுடன், தேசிய போர் நினைவுச்சின்னம், பிரதமரின் இல்லம் மற்றும் டெல்லியில் உள்ள பிற முக்கிய இடங்களையும் பார்வையிடுவார்கள். பல்வேறு அமைச்சர்களுடன் கலந்துரையாடும் வாய்ப்பையும் அவர்கள் பெறுவார்கள் என்று அதில் தெரிவிக்கப்பட்டுள்ளது.
