வெள்ளத்தால் பாதிக்கப்பட்ட மக்களுக்கு மருந்துகள், ஆம்புலன்ஸ் சேவை, உணவு மற்றும் அத்தியாவசியப் பொருட்களை உடனடியாக வழங்குவதாக ஆந்திர முதல்வர் சந்திரபாபு நாயுடு அறிவித்துள்ளார்.
விஜயவாடாவில் வெள்ளம் பாதித்த பகுதிகளை நான்காவது நாளாக பார்வையிட்ட அவர், அங்குள்ள மக்கள் படும் துன்பங்களை அதிகாரிகளிடம் தெரிவித்து, அவர்களுக்கு உடனடி நிவாரண நடவடிக்கைகளை மேற்கொள்ள உத்தரவிட்டார். வெள்ளத்தால் பாதிக்கப்பட்ட ஒவ்வொரு குடும்பத்திற்கும் தேவையான உதவிகளை செய்ய வேண்டும் என்றார்.
வெள்ளத்தில் இறந்தவர்களின் உடல்களை உரிய முறையில் அவர்களது குடும்பத்தினரிடம் ஒப்படைக்க வேண்டும் என்றும், யாரும் உடல்களுக்கு உரிமை கோரவில்லை என்றால், அரசே இறுதிச் சடங்குகளை நடத்த வேண்டும் என்றும் அவர் அறிவித்தார்.
ஒவ்வொரு செயலகத்திலும் மருத்துவ முகாம்களை நடத்தவும், குறைந்த விலையில் மக்களுக்கு காய்கறிகள் மற்றும் அத்தியாவசியப் பொருட்களை வழங்கவும் அதிகாரிகளுக்கு உத்தரவிட்டார்.
மருந்துகள் மற்றும் சுகாதார சேவைகள் குறித்து மக்களிடையே விழிப்புணர்வை ஏற்படுத்த துண்டுப் பிரசுரங்கள் மூலம் தகவல்களை பரப்ப வேண்டும் என்று அவர் குறிப்பிட்டார்.
வெள்ளத்தால் சேதமடைந்த மக்களின் வீடுகளை தீயணைப்பு வாகனங்கள் மூலம் சுத்தம் செய்வதாக முதல்வர் நாயுடு உறுதியளித்தார்.
பயிர் இழப்பை முன்கூட்டியே மதிப்பீடு செய்து, காய்ச்சல் தடுப்பு நடவடிக்கைகளையும் மேற்கொள்ள வேண்டும் என அறிவுறுத்தினார்.
