ஆக்ரா: இந்திய எல்லைக்கு அருகே திபெத்தில் பிரம்மபுத்திரா ஆற்றில் மெகா அணை கட்டும் சீனாவின் திட்டத்தில் அரசு எச்சரிக்கையாக இருப்பதாக பாதுகாப்பு அமைச்சர் ராஜ்நாத் சிங் கூறியுள்ளார்.
திபெத்தில் பிரம்மபுத்திரா ஆற்றில் மிகப்பெரிய அணை கட்ட சீனா திட்டமிட்டுள்ளது. இந்த அணை திட்டத்தால் தாழ்வான பகுதிகள் பாதிக்கப்படாது என சீனா விளக்கம் அளித்துள்ளது.
இந்த நிலையில் உத்தரபிரதேசத்தில் நடந்த நிகழ்ச்சி ஒன்றில் பாதுகாப்புத்துறை அமைச்சர் ராஜ்நாத் சிங் பேசினார். கடந்த காலங்களில் இந்தியா சர்வதேச அரங்கில் பேசியபோது, உலகம் அதை பெரிதாக எடுத்துக் கொள்ளவில்லை என்றார். ஆனால், இப்போது இந்தியா பேசும் போது உலகமே அதைக் கவனிக்கிறது என்றார்.
இந்தியாவின் பொருளாதாரம் முன்னேற்றம் கண்டுள்ளது என்றார். முன்னதாக, 11வது இடத்தில் இருந்த இந்திய பொருளாதாரம், தற்போது 5வது இடத்தில் உள்ளது. எதிர்காலத்தில், உலகின் முதல் மூன்று நாடுகளில் ஒன்றாக இந்தியா மாறும், என்றார்.
பாதுகாப்புத் துறையில் இந்தியா தன்னிறைவு பெற்றுள்ளதாகவும், புதிய தொழில்நுட்பங்களைப் பயன்படுத்தி கண்டுபிடிப்புகளை ஊக்குவித்து வருவதாகவும் அவர் கூறினார்.
அதிகாரபூர்வ அரசியலின் மாறிவிட்ட சூழ்நிலையில், மாணவர்களின் வாழ்க்கை மற்றும் தேசத்தின் முன்னேற்றம் குறித்து அரசாங்கம் மிகுந்த அக்கறை கொண்டுள்ளது என்று அவர் குறிப்பிட்டார்.
