சபரிமலை கோயில் வளாகத்தில் பஞ்சலோக சிலையை நிறுவுவதற்காக தமிழ்நாட்டில் நன்கொடை வசூல்

திருவனந்தபுரம்: சபரிமலை சிறப்பு ஆணையர் ஜெயகிருஷ்ணன் சில நாட்களுக்கு முன்பு கேரள உயர் நீதிமன்றத்தில் ஒரு மனு தாக்கல் செய்தார். அதில் கூறப்பட்டுள்ள விவரங்கள் பின்வருமாறு:-

ஈரோட்டில் மருத்துவமனை நடத்தி வரும் சகாதேவன் என்ற மருத்துவர், சபரிமலை கோயில் வளாகத்தில் 2 அடி உயரமும், 108 கிலோ எடையும் கொண்ட பஞ்சலோக ஐயப்பன் சிலையை நிறுவ திருவிதாங்கூர் தேவஸ்வம் வாரியம் தனக்கு அனுமதி அளித்துள்ளதாகவும், அதற்கு நன்கொடைகள் வழங்கலாம் என்றும் கூறி தமிழகத்தில் நோட்டீஸ் விநியோகித்து வருவது எங்கள் கவனத்திற்கு வந்துள்ளது.

சிலைக்கு ரூ.9 லட்சம் செலவாகும் என்றும், நன்கொடைகளை அனுப்புவதற்கான QR குறியீடு, செல்போன் எண் மற்றும் மின்னஞ்சல் முகவரியையும் குறிப்பிட்டுள்ளதாகவும் அவர் அறிவிப்பில் குறிப்பிட்டுள்ளார். சபரிமலை வளாகத்தில் புதிய ஐயப்பன் சிலையை நிறுவும் திட்டம் எதுவும் இல்லை.

இது தொடர்பாக உரிய நடவடிக்கை எடுக்க வேண்டும். மனுவில் கூறப்பட்டுள்ளது. இந்த மனு நீதிபதிகள் அனில் கே. நரேந்திரன் மற்றும் முரளி கிருஷ்ணன் ஆகியோர் முன் விசாரணைக்கு வந்தது. அப்போது நீதிபதிகள் டாக்டர் சகாதேவன் யாரிடமிருந்தும் நன்கொடை வசூலிக்கக் கூடாது என்று உத்தரவிட்டனர்.