புது டெல்லி: நம் நாட்டில் சூதாட்ட செயலிகளுக்கு அனுமதி இல்லை. இந்த சூழ்நிலையில், சட்டவிரோதமாக இயங்கும் சூதாட்ட செயலிகள் பல முதலீட்டாளர்களிடம் கோடிக்கணக்கான பணத்தை ஏமாற்றி, கோடிக்கணக்கில் வரி ஏய்ப்பு செய்துள்ளதாக புகார்கள் வந்துள்ளன. நடிகர்கள் மற்றும் கிரிக்கெட் வீரர்கள் உள்ளிட்ட பிரபலங்கள் இதுபோன்ற செயலிகளை மறைமுகமாக விளம்பரப்படுத்தியதாகக் கூறப்படுகிறது.
இது தொடர்பாக அமலாக்க இயக்குனரக அதிகாரிகள் கடந்த மாதம் நாட்டின் பல்வேறு பகுதிகளில் சோதனை நடத்தினர். முன்னாள் கிரிக்கெட் வீரர்கள் ஷிகர் தவான் மற்றும் சுரேஷ் ரெய்னா ஆகியோரிடமும் அவர்கள் விசாரணை நடத்தினர்.
முன்னாள் கிரிக்கெட் வீரர்கள் யுவராஜ் சிங், ராபின் உத்தப்பா மற்றும் இந்தி நடிகர் சோனு சூட் ஆகியோரிடமும் சமீபத்தில் விசாரணை நடத்தப்பட்டது. இது தொடர்பாக அமலாக்க இயக்குனரக அதிகாரிகள் நடிகை ஊர்வசி ரவுடேலாவுக்கும் சம்மன் அனுப்பியிருந்தனர்.
அதன்படி, அவர் நேற்று டெல்லியில் உள்ள அமலாக்க இயக்குனரக தலைமையகத்தில் ஆஜராகி விளக்கம் அளித்தார்.
