பெங்களூரு: வால்மீகி மேம்பாட்டு ஆணைய முறைகேடு வழக்கில் கைதான முன்னாள் அமைச்சர் நாகேந்திரன் மனைவியிடம் அமலாக்க இயக்குனரக அதிகாரிகள் விசாரணை நடத்தினர். கர்நாடகாவின் பழங்குடியினர் நலத்துறை அமைச்சராக இருந்தவர் நாகேந்திரா.
வால்மீகி வளர்ச்சி ஆணையத்தில் முறைகேடு வழக்கில் நாகேந்திரனை கடந்த 12ம் தேதி அமலாக்கத்துறை கைது செய்தது. அவரை 6 நாட்கள் காவலில் வைக்க அமலாக்க இயக்குனரகத்துக்கு மக்கள் பிரதிநிதிகள் சிறப்பு நீதிமன்றம் அனுமதி அளித்தது.
நாகேந்திரனின் காவல் இன்றுடன் முடிவடைகிறது. அவரை இன்று நீதிமன்றத்தில் ஆஜர்படுத்தும் அமலாக்கத்துறை மீண்டும் காவலில் எடுத்து விசாரிக்க அனுமதி கோரி இருப்பதாக தகவல் வெளியாகியுள்ளது. இதனிடையே, நாகேந்திரன் மற்றும் அவரது மனைவி மஞ்சுளா ஆகியோரின் வங்கிக் கணக்குகளை அமலாக்கத் துறையினர் ஆய்வு செய்தனர். மஞ்சுளாவின் வங்கிக் கணக்கில் இருந்து பல வங்கிக் கணக்குகளுக்கு கோடிக்கணக்கில் பணம் மாற்றப்பட்டது கண்டுபிடிக்கப்பட்டது.
பெங்களூரு டாலர்ஸ் காலனியில் உள்ள நாகேந்திரன் வீட்டுக்கு நேற்று மதியம் 12:00 மணிக்கு அமலாக்கத்துறையினர் சென்றனர். உங்களை விசாரிக்க வேண்டும்’ என்று கூறி மஞ்சுளாவை சாந்திநகரில் உள்ள அமலாக்க இயக்குனரக அலுவலகத்துக்கு அழைத்து வந்தனர். மதியம் 1:00 மணி முதல் அவரிடம் விசாரணை நடத்தப்பட்டது. இரவு 10:00 மணி வரை விசாரணை தொடர்ந்தது.
