புதுடெல்லி: யூனியன் பப்ளிக் சர்வீஸ் கமிஷன் (யுபிஎஸ்சி) இயக்குநராக முன்னாள் மத்திய சுகாதாரத்துறை செயலாளர் பிரீத்தி சுதன் நியமிக்கப்பட்டுள்ளார். முன்னாள் மத்திய சுகாதார செயலாளர் ப்ரீத்தி சுதன், அரசியலமைப்பின் 316 ஏ பிரிவின் கீழ் ஆகஸ்ட் 1 ஆம் தேதி யூனியன் பப்ளிக் சர்வீஸ் கமிஷனின் (யுபிஎஸ்சி) தலைவராக பதவியேற்பார் என்று அரசு அதிகாரி ஒருவர் தெரிவித்தார். ப்ரீத்தி சுதன் தற்போது UPSC உறுப்பினராக உள்ளார்.
UPSC இயக்குனர் மனோஜ் சோனி சில நாட்களுக்கு முன்பு ‘தனிப்பட்ட காரணங்களுக்காக’ ராஜினாமா செய்தார், அதே நேரத்தில் புதிய இயக்குநராக ப்ரீத்தி சுதன் நியமிக்கப்பட்டுள்ளார். ப்ரீத்தி சுதன் 65 வயதை அடையும் அடுத்த ஆண்டு ஏப்ரல் வரை பதவியில் இருப்பார்.
ப்ரீத்தி சுதன் 1983 பேட்ச் ஆந்திர பிரதேச கேடரின் ஐஏஎஸ் அதிகாரி ஆவார். அரசு நிர்வாகத்தின் அனைத்து துறைகளிலும் ஏறக்குறைய 37 ஆண்டுகள் அனுபவம் பெற்றவர். லண்டன் ஸ்கூல் ஆஃப் எகனாமிக்ஸில் பொருளாதாரம் மற்றும் சமூகக் கொள்கையில் பட்டம் பெற்றவர். வாஷிங்டனில் பொது நிதி மேலாண்மையில் பயிற்சி பெற்றார். ப்ரீத்தி சுதன் ஜூலை 2020 வரை மூன்று ஆண்டுகள் மத்திய சுகாதார செயலாளராக பணியாற்றினார். முன்னதாக, உணவு மற்றும் பொது விநியோகத் துறையின் செயலாளராக ப்ரீத்தி சுதன் இருந்தார்.
முந்தைய யுபிஎஸ்சி தலைவர் மனோஜ் சோனியின் பதவிக்காலம் 2029ல் முடிவடைய இருந்தது. இருப்பினும், அவர் கிட்டத்தட்ட ஐந்து ஆண்டுகளுக்கு முன்பு தனது பதவியை ராஜினாமா செய்தார். 2017 இல் UPSC யில் சேர்ந்த மனோஜ் சோனி, மே 16, 2023 அன்று தலைவராக பொறுப்பேற்றார்.
