டில்லி உயர்நீதிமன்றம், பிரபல ‘யுடியூபர்’ ஷியாம் மீரா சிங் வெளியிட்ட “ஜக்கி வாசுதேவ் ஆசிரமத்தில் என்ன நடக்கிறது?” என்ற வீடியோ நீக்கும்படி உத்தரவிட்டுள்ளது. இந்த வீடியோ எவ்வாறு எடுக்கப்பட்டிருந்தாலும், அது சத்குரு மற்றும் ஈஷா யோக மையம் தொடர்பான அவதூறு கூறுகளை கொண்டதாக உள்ளது என்று கூறப்பட்டுள்ளது. அதன்படி, ஈஷா யோக மையம் மற்றும் சத்குரு தரப்பில் இந்த வீடியோவுக்கு எதிராக அவதூறு வழக்கு தாக்கல் செய்யப்பட்டது.
சத்குரு மற்றும் ஈஷா யோக மையம், அந்த வீடியோ உண்மைக்கு புறம்பானதாகவும், பொய்யான தகவல்களுடன் பகிரப்பட்டுள்ளது என்றும் மனுவில் கூறியுள்ளனர். இந்த வழக்கு டில்லி உயர்நீதிமன்ற நீதிபதி சுப்ரமணியம் பிரசாத் முன்னிலையில் விசாரிக்கப்பட்டது.
இதன் அடிப்படையில், சமூக வலைதளங்களில் பதிவேற்றப்பட்ட அந்த வீடியோக்களை உடனடியாக நீக்க வேண்டும் என்று உத்தரவிடப்பட்டது. எக்ஸ், பேஸ்புக், யுடியூப் மற்றும் கூகுள் போன்ற சமூக வலைதளங்களுக்கு இந்த வீடியோக்களை நீக்க உத்தரவு பிறப்பிக்கப்பட்டுள்ளது. மேலும், இந்த விவகாரம் தொடர்பாக எந்த விதமான கருத்துக்கள் அல்லது வீடியோக்களும் வெளியிடப்படக்கூடாது எனவும் கூறப்பட்டுள்ளது. இந்த விசாரணை ஜூலை 9-க்கு ஒத்திவைக்கப்பட்டுள்ளது.
