பெங்களூரு: கேரள அரசின் திருவோணம் லாட்டரியில் கர்நாடகாவைச் சேர்ந்த டூவீலர் மெக்கானிக் அல்தாப் பாஷா ரூ.25 கோடி பம்பர் பரிசை வென்றுள்ளார். இந்த லாட்டரி சீட்டை விற்ற தமிழகத்தைச் சேர்ந்த ஏஜென்ட் நாகராஜ் கமிஷன் தொகையாக ரூ. 2.25 கோடி வழங்கப்படும் என கேரள நிதித்துறை அறிவித்துள்ளது.
கேரள அரசின் நிதித்துறை சார்பில் திருவோணம் லாட்டரி விற்பனை செய்யப்பட்டது. நிதியமைச்சர் கே.என்.பாலகோபால் நேற்று மாலை (அக்.11) திருவனந்தபுரத்தில் முடிவுகளை வெளியிட்டார்.
டிஜி 434222 என்ற எண் கொண்ட லாட்டரி சீட்டுக்கு முதல் பரிசாக ரூ.25 கோடி கிடைத்ததாக அறிவிக்கப்பட்டது.வயநாட்டை சேர்ந்த ஏஜென்ட் விற்பனை செய்த இந்த லாட்டரி சீட்டை வாங்கியது யார் என்ற குழப்பம் ஏற்பட்டது.
இந்நிலையில், கர்நாடக மாநிலம் மைசூரு மாவட்டம் பாண்டவபுரத்தைச் சேர்ந்த அல்தாப் பாஷா (50) என்பவர் லாட்டரி சீட்டு வாங்கியது கண்டுபிடிக்கப்பட்டது. இருசக்கர வாகன மெக்கானிக்கான இவர் கடந்த 15 நாட்களுக்கு முன்பு கேரளாவில் இருந்தபோது வயநாடு அருகே உள்ள சுல்தான் பத்தேரியில் 2 லாட்டரி சீட்டுகளை ரூ.1000-க்கு வாங்கினார்.
அல்தாப் பாஷா கூறுகையில், “கடந்த 15 ஆண்டுகளாக லாட்டரி வாங்குகிறேன். எனது குடும்பத்தினர் எதிர்ப்பு தெரிவித்தனர். இருப்பினும் கடவுள் பெயரில் ஒவ்வொரு முறையும் லாட்டரி சீட்டு வாங்குவேன். இந்த முறை பரிசு கிடைத்ததில் மிகுந்த மகிழ்ச்சி அடைகிறேன்.
முதலில் என். அந்தச் செய்தியை அவர்கள் தொலைக்காட்சியில் பார்த்த பிறகுதான் நம்பமுடியவில்லை. எனக்குக் கிடைக்கும் பரிசுப் பணத்தில் எனது இரண்டு மகள்களுக்கும் ஆடம்பரமாகத் திருமணம் செய்து வைப்பேன்.
எங்களுக்காக புதிய வீடு வாங்குவேன். மீதிப் பணத்தில் என் கடன்களை எல்லாம் அடைத்துவிட்டு சந்தோஷமாக வாழ்வேன். எனது பரிசுத் தொகையை வசூலிக்க வியாழக்கிழமை கேரளா செல்கிறேன்,” என்றார்.
அல்தாப் பாஷா நேற்று வயநாட்டில் உள்ள எஸ்பிஐ வங்கிக்கு சென்று பரிசு அறிவிக்கப்பட்ட லாட்டரி சீட்டை காட்டி பரிசு தொகையை கோரினார். அவருக்கு வங்கி அதிகாரிகள் ரோஜா மலர்கள் வைத்து கவுரவித்தனர்.
ரூ.25 கோடி பரிசு பெற்ற அல்தாப் பத்தேரிக்கு வருமான வரி, லாட்டரி வரி நீங்கலாக ரூ.12.8 கோடி வழங்கப்படும். இந்த லாட்டரி சீட்டை மொத்த விற்பனை செய்த நேரடி முகவரான ஜெனேசு ரூ. 25 லட்சம் வழங்கப்படும்.
இந்த டிக்கெட்டை நேரடியாக வாடிக்கையாளருக்கு விற்ற சப் ஏஜென்ட் நாகராஜ் ரூ. 2.25 கோடி பரிசாக வழங்கப்படும். துணை முகவர் நாகராஜ் தமிழகத்தைச் சேர்ந்தவர் என்பது குறிப்பிடத்தக்கது.
