புதுடெல்லி: தனது மகளின் நிச்சயதார்த்த விழாவில் கெஜ்ரிவால் தனது மனைவியுடன் புஷ்பா படத்தின் பாடலுக்கு நடனமாடிய வீடியோ வைரலாகி வருகிறது. டெல்லி முன்னாள் முதல்வர் அரவிந்த் கெஜ்ரிவால். இவரது மகள் ஹர்ஷிதாவுக்கும், கல்லூரி நண்பரான ஷம்பவ் ஜெயின் என்பவருக்கும் நேற்று நிச்சயதார்த்தம் நடந்தது.
இந்நிலையில் அரவிந்த் கெஜ்ரிவால் தனது மகளின் நிச்சயதார்த்த விழாவில் நடனமாடிய வீடியோ ஒன்று இணையத்தில் வெளியாகி வைரலாகி வருகிறது. அந்த வீடியோவில் அல்லு அர்ஜுன் நடித்துள்ள புஷ்பா 2 படத்தில் வரும் ‘சூடான தீ கங்கு மாதிரி இருப்பானே என் சாமி’ பாடலுக்கு அரவிந்த் கெஜ்ரிவால் தனது மனைவி சுனிதா கெஜ்ரிவாலுடன் நடனமாடுகிறார்.
இதேபோல், இந்த நிகழ்ச்சியில் பஞ்சாப் முதல்வர் பகவந்த் மான் தனது மனைவியுடன் நடனமாடிய மற்றொரு வீடியோவும் இணையத்தில் வைரலாகி வருகிறது.
