இந்திய வானிலை மையம், தென்மேற்கு வங்கக் கடலில் நிலவும் காற்றழுத்த தாழ்வு பகுதி தொடர்ந்து அதே பகுதியில் நிலவுவதாக தெரிவித்துள்ளது.
இந்த காற்றழுத்த தாழ்வு பகுதி, கடந்த இரண்டு நாட்களாக ஆழ்ந்த காற்றழுத்த தாழ்வு பகுதியாக வலுவடைந்து, அடுத்த 24 மணிநேரத்தில் வடமேற்கு திசையில் நகர்ந்து, வட தமிழகம் மற்றும் தெற்கு ஆந்திர கடலோரப் பகுதிகளுக்கு அருகே நிலவக்கூடும்.
இதனால், இன்று வட கடலோர மாவட்டங்களில், இதர மாவட்டங்களில் சில இடங்களில் மற்றும் புதுச்சேரியில் இடி மின்னலுடன் மிதமான மழை பெய்ய வாய்ப்பு உள்ளது. சென்னையில், நாளையும் வானம் மேகமூட்டமாக காணப்படும், ஓரிரு இடங்களில் லேசான அல்லது மிதமான மழை பெய்யும் என தெரிவிக்கப்பட்டுள்ளது.
