திருமலை: மைசூர் அரச குடும்பத்தைச் சேர்ந்த ராஜமாதா பிரமோதா தேவி, திருப்பதி ஏழுமலையானுக்கு 100 கிலோ எடையுள்ள 2 பெரிய வெள்ளி விளக்குகளை காணிக்கையாக வழங்கினார். மைசூர் மகாராஜா குடும்பத்தினர் சுமார் 300 ஆண்டுகளுக்கு முன்பு திருப்பதி ஏழுமலையான் கோயில் கருவறைக்கு பிரசாதமாக மிகப்பெரிய (பெரிய) வெள்ளி விளக்குகளை வழங்கினர்.
இந்த விளக்குகள் இறைவனின் இருபுறமும் எப்போதும் எரிந்து கொண்டிருப்பதாகக் கூறப்படுகிறது. இந்த விளக்குகள் வழங்கப்பட்டு 300 ஆண்டுகள் ஆகிவிட்ட நிலையில், அதே மைசூர் மகாராஜா குடும்பத்தைச் சேர்ந்த ராஜமாதா பிரமோதா தேவி நேற்று தனது குடும்பத்தினருடன் திருமலைக்கு வந்து 100 கிலோ எடையுள்ள 2 பெரிய வெள்ளி விளக்குகளை இறைவனுக்கு காணிக்கையாக வழங்கினார்.
கோயில் அறங்காவலர் குழுத் தலைவர் பி.ஆர். நாயுடு இவற்றைப் பெற்றார். அப்போது கோயில் கூடுதல் நிர்வாக அதிகாரி வெங்கையா சவுத்ரி மற்றும் மைசூர் மகாராஜாவின் குடும்ப வாரிசுகள் உடனிருந்தனர்.
