டெல்லி: இந்தியாவில் நெடுஞ்சாலைகளில் செல்லும் வாகனங்களுக்கு கட்டணம் வசூலிக்கப்படுகிறது.
இப்போது தானாக பாஸ் டேக் மூலம் கட்டணம் வசூலிக்கப்படுகிறது. சாலைகளை பராமரிக்க இந்த கட்டணம் வசூலிக்கப்படுகிறது. அதே சமயம், பல இடங்களில் சாலைகள் முறையாக பராமரிக்கப்படாவிட்டாலும் கட்டணம் வசூலிக்கப்படுகிறது.
இதற்கிடையில், நடப்பு ஆண்டு முதல் செயற்கைக்கோள் அடிப்படையிலான கட்டண வசூல் முறையை அறிமுகப்படுத்த மத்திய அரசு திட்டமிட்டுள்ளது.
நடப்பு ஆண்டிலேயே 5,000 கி.மீ.க்கு மேல் இத்திட்டத்தை செயல்படுத்த மத்திய அரசு முடிவு செய்துள்ளது. இது தொடர்பான பயிற்சி பட்டறையில் நிதின் கட்கரி கலந்து கொண்டார்.
அப்போது மத்திய அமைச்சர் நிதின் கட்கரி சுங்க வரி தொடர்பாக சில முக்கிய கருத்துக்களை தெரிவித்தார். அதாவது, சாலைகள் சரியாக இல்லை என்றால், குறிப்பிட்ட சாலைகளுக்கு கட்டணம் வசூலிக்க வேண்டாம் என்று நெடுஞ்சாலை பராமரிப்பு நிறுவனங்களை மத்திய அமைச்சர் நிதின் கட்கரி வலியுறுத்தியுள்ளார்.
மேலும், தரமான சேவை வழங்கப்படாவிட்டால் சுங்கக் கட்டணம் வசூலிக்கப்படக்கூடாது.
மக்களின் நலன் காக்கும் வகையில் சுங்க வரியை உரிய முறையில் வசூலிக்க திட்டமிட்டுள்ளோம். தரமான சாலையை வழங்கினால், மக்களிடம் கட்டணம் வசூலிக்க முடியும்.
சாலையை சேறும், குழியுமாக மூடி, சுங்கவரி வசூலித்தால், மக்களின் கோபத்துக்கு ஆளாக நேரிடும் என நிதின் கட்கரி கூறினார்.
