புது டெல்லி: டெல்லி விமான நிலையத்திலிருந்து சிங்கப்பூருக்கு நேற்று காலை 11 மணிக்கு ஏர் இந்தியா பயணிகள் விமானம் புறப்படத் தயாராக இருந்தது. ஆனால் கடைசி நிமிடத்தில், விமானத்தில் தொழில்நுட்பக் கோளாறு கண்டறியப்பட்டது. இதன் காரணமாக, விமானத்தில் இருந்த 200 பயணிகள் சுமார் 2 மணி நேரம் விமானத்திலேயே சிக்கித் தவித்தனர்.
இதன் பின்னர், அனைவரும் விமான நிலையத்திற்கு வரவழைக்கப்பட்டு அழைத்துச் செல்லப்பட்டனர். பின்னர், நேற்று மாலை 5 மணியளவில், 200 பயணிகள் மாற்று விமானத்தில் சிங்கப்பூருக்கு அனுப்பப்பட்டனர். ஏர் இந்தியா விமானத்தில் ஏற்பட்ட தொழில்நுட்பக் கோளாறு காரணமாக பயணிகள் சுமார் 6 மணி நேரம் காத்திருந்தனர். பயணிகள் கூறுகையில், “விமான நிறுவனம் எங்களுக்கு எந்தத் தகவலும் தெரிவிக்கவில்லை.
நாங்கள் விமானத்தில் 2 மணி நேரமும் விமான நிலையத்தில் 4 மணி நேரமும் சிக்கித் தவித்தோம்.” ஏர் இந்தியா நிறுவனம், “ஜூன் 12 அன்று, குஜராத்தின் அகமதாபாத்தில் எங்கள் நிறுவனத்தின் பயணிகள் விமானம் விபத்தில் சிக்கியது. எனவே, அது ஒரு சிறிய பிரச்சனையாக இருந்தாலும் கூட நாங்கள் மிகுந்த எச்சரிக்கையுடன் செயல்படுகிறோம்.
சிங்கப்பூர் செல்ல வேண்டிய விமானத்தில் திடீரென தொழில்நுட்ப கோளாறு ஏற்பட்டது. அதை உடனடியாக சரிசெய்ய முடியவில்லை. எனவே, பயணிகளை மாற்று விமானத்தில் சிங்கப்பூருக்கு அனுப்பி வைத்தோம்” என்று தெரிவித்துள்ளது.
