கேரள மாநிலம் திருவனந்தபுரத்தில் நடைபெற்ற 76வது குடியரசு தின விழாவின் போது, ஆளுநர் ராஜேந்திர விஸ்வநாத் அர்லேகர் உரையாற்றிக் கொண்டிருந்தபோது, திருவனந்தபுரம் காவல் ஆணையர் தாம்சன் ஜோஸ் திடீரென மேடையிலேயே மயங்கி விழுந்தார். இது பரபரப்பை ஏற்படுத்தியது.
சென்ட்ரல் ஸ்டேடியத்தில் நடைபெற்ற விழாவில், ஆளுநர் மூவர்ணக் கொடியை ஏற்றி மரியாதை செலுத்தினார், பின்னர் காவல்துறையின் அணிவகுப்பை ஏற்றுக்கொண்டு, கூட்டத்தினரிடையே உரையாற்றினார். அந்த நேரத்தில், மேடையில் அவருக்கு அருகில் நின்றிருந்த காவல் ஆணையர் தாம்சன் ஜோஸ் மயங்கி விழுந்தார். இதைக் கண்ட அதிகாரிகள் உடனடியாக அவசர நடவடிக்கை எடுத்து, மருத்துவ உதவிக்காக அருகிலுள்ள ஆம்புலன்ஸில் அவரை அழைத்துச் சென்றனர்.
மருத்துவ உதவி பெற்ற பிறகு, தாம்சன் ஜோஸ் இயல்பு நிலைக்குத் திரும்பி மேடைக்குத் திரும்பினார். வெப்பத் தாக்கத்தால் அவர் மயங்கி விழுந்ததாகக் கூறப்படுகிறது. இதன் மூலம் குடியரசு தினக் கொண்டாட்டங்கள் அமைதியாக முடிவடைந்தன.
