புதுடெல்லி: தலைமை தேர்தல் கமிஷனர் ராஜீவ்குமார், டெல்லியில் நேற்று நிருபர்களிடம் கூறியதாவது:- டெல்லி சட்டசபையின், 70 தொகுதிகளுக்கும், ஒரே கட்டமாக, பிப்ரவரி, 5-ல் தேர்தல் நடக்கிறது. இந்த தேர்தலுக்கான வேட்புமனு தாக்கல், ஜனவரி, 10-ல் துவங்குகிறது. வேட்புமனு தாக்கல் செய்ய கடைசி நாள் என்பது ஜனவரி 17.
வேட்புமனுக்கள் பரிசீலனை ஜனவரி 18 அன்று நடைபெறும். வேட்புமனுக்களை வாபஸ் பெற கடைசி நாள் ஜனவரி 20. இதில் பதிவான வாக்குகள் எண்ணப்படும். பிப்ரவரி 8-ம் தேதி மற்றும் முடிவுகள் அறிவிக்கப்படும். டெல்லி சட்டசபை தேர்தலில் மொத்தம் 1.55 கோடி பேர் வாக்களிக்க உள்ளனர். இவர்களில் 83.49 லட்சம் ஆண் வாக்காளர்கள். 71.74 லட்சம் பெண் வாக்காளர்கள். 25.89 லட்சம் இளம் வாக்காளர்கள் (20-29 வயது) மற்றும் 2.08 லட்சம் முதல் முறை வாக்காளர்கள் (18-19 வயது).
இந்தியாவில் மொத்த வாக்காளர்களின் எண்ணிக்கை 99 கோடியைத் தாண்டி 100 கோடியை நெருங்கியுள்ளது. இந்தியாவில் தங்கத் தரம் போன்ற தேர்தல் முறைகள் உள்ளன. இது நமது தேர்தல்களில் பொதுவான மரபாக பின்பற்றப்படுகிறது. எனவே, கமிஷனில் முறைகேடுகள் நடக்க வாய்ப்பில்லை. ஏனெனில் தேர்தல் செயல்முறை மிகவும் புள்ளிவிவரமானது. தனிநபர்கள் தவறு செய்தால் தண்டிக்க தயாராக இருக்கிறோம். மின்னணு வாக்குப்பதிவு இயந்திரங்களின் குறைபாடுகள் மற்றும் நம்பகத்தன்மைக்கு எதிராக எந்த ஆதாரமும் இல்லை. செல்லாத வாக்குகள் என்ற கேள்விக்கே இடமில்லை.
அதேபோல், மோசடியும் சாத்தியமில்லை. இதை உச்ச நீதிமன்றமே தெளிவுபடுத்தியுள்ளது. பல்வேறு மாநில உயர் நீதிமன்றங்களும் இதே கருத்தை தெரிவித்துள்ளன. எனவே, வாக்குச் சீட்டு தேர்தல் முறைக்கு திரும்புவதற்கான வாய்ப்பு இல்லை. அதற்கான சாத்தியமும் இல்லை. வெளிப்படைத்தன்மை என்பது இந்திய தேர்தல் ஆணையத்தின் முக்கிய தூண். இவ்வாறு ராஜீவ் குமார் கூறினார். ஈரோடு கிழக்கு தொகுதிக்கு 2021 தேர்தலில் திமுக கூட்டணியில் காங்கிரஸ் சார்பில் போட்டியிட்ட திருமகன் ஈவெரா வெற்றி பெற்றார். அவரது மறைவுக்குப் பிறகு 2023 பிப்ரவரி 27-ம் தேதி நடைபெற்ற இடைத்தேர்தலில் திமுக கூட்டணியில் காங்கிரஸ் கட்சியில் போட்டியிட்ட ஈவிகேஎஸ் இளங்கோவன் வெற்றி பெற்றார்.
ஈவிகேஎஸ் இளங்கோவன் கடந்த ஆண்டு டிசம்பர் 14-ம் தேதி உடல்நலக் குறைவால் காலமானார். இதையடுத்து ஈரோடு கிழக்கு தொகுதி காலியானதாக அறிவிக்கப்பட்டது. இங்கு பிப்ரவரி 5-ம் தேதி இடைத்தேர்தல் நடைபெறும் என தேர்தல் ஆணையம் நேற்று அறிவித்தது.இதை தொடர்ந்து ஈரோடு கிழக்கு தொகுதியில் தேர்தல் நடத்தை விதிமுறைகள் அமலுக்கு வந்தது. இதுகுறித்து, ஈரோடு கிழக்கு தொகுதி தேர்தல் நடத்தும் அலுவலரும், நகராட்சி கமிஷனருமான மணீஷ் கூறியதாவது:-
வேட்புமனு தாக்கல், ஜன., 10-ல் துவங்கி, 17-ல் முடிவடைகிறது. மனுக்கள் மீதான பரிசீலனை, 18-ம் தேதி நடக்கிறது. வரும் 20ம் தேதிக்குள் வேட்புமனுக்களை வாபஸ் பெறலாம். பிப்ரவரி 8-ம் தேதி வாக்குகள் எண்ணப்படும். வாக்களிக்க 53 இடங்களில் மொத்தம் 237 வாக்குச் சாவடிகள் அமைக்கப்பட்டுள்ளன. இங்கு 2 லட்சத்து 26 ஆயிரத்து 433 வாக்காளர்கள் உள்ளனர். இவ்வாறு அவர் கூறினார்.
உத்தரபிரதேச மாநிலம் மில்கிபூர் தொகுதியில் இருந்து சமாஜ்வாதி கட்சி எம்.எல்.ஏ அவதேஷ் பிரசாத் ராஜினாமா செய்ததை தொடர்ந்து அந்த தொகுதி காலியானதாக அறிவிக்கப்பட்டது. ஆனால், நீதிமன்றத்தில் தாக்கல் செய்யப்பட்ட ரிட் மனு நிலுவையில் இருந்ததால் கடந்த அக்டோபர் மாதம் இத்தொகுதிக்கான இடைத்தேர்தல் ஒத்திவைக்கப்பட்டது. இந்நிலையில், இந்த ரிட் மனுவை லக்னோ உயர்நீதிமன்ற பெஞ்ச் நவம்பர் 25-ம் தேதி தள்ளுபடி செய்தது. இதைத் தொடர்ந்து மில்கிபூர் தொகுதிக்கும் பிப்ரவரி 5-ம் தேதி இடைத்தேர்தல் நடைபெறவுள்ளது.
