கொரோனா தொற்றுநோய்களின் போது, தடுப்பூசிகளை வழங்கியதற்காக டொமினிகா மக்களின் நன்றியை இந்தியா பெற்றது. இந்தியா 70,000 டோஸ் அஸ்ட்ரா ஜெனெகா தடுப்பூசிகளை விநியோகித்துள்ளது.
)
இதற்காக நாட்டின் அரசாங்கம் அதன் உயரிய தேசிய விருதான “டொமினிகா ஹானர்” ஐ இந்திய பிரதமர் நரேந்திர மோடிக்கு வழங்க முடிவு செய்துள்ளது.
டொமினிகாவின் பிரதமர் அலுவலகம் இந்த விருதை அறிவித்து, பிரதமர் மோடியின் தலைமையின் கீழ் இந்தியா-டொமினிகா உறவை மேலும் வலுப்படுத்தவும், பிரதமர் மோடியின் உலகளாவிய செயல்பாடுகளை அங்கீகரிக்கும் வகையிலும் இந்த விருது வழங்கப்படும் என்று தெரிவித்துள்ளது.
இந்த விருதின் மூலம் இந்தியா – டொமினிகா உறவை மேலும் வலுப்படுத்துவதில் பிரதமர் மோடியின் பங்கு விளக்கப்பட்டுள்ளது. பிரதமர் மோடியின் தலைமையில் அவ்வப்போது, டொமினிகாவுக்கு சுகாதாரம், கல்வி, தகவல் தொழில்நுட்பம் போன்ற துறைகளில் இந்தியா உதவி செய்து வருகிறது.
இந்த விருதின் மூலம், உலகத் தலைவர்களுக்கு வழங்கப்படும் உயரிய விருதுகளில் ஒன்றைப் பிரதமர் மோடி பெற்றுள்ளார். இதையடுத்து கயானாவில் வரும் 19-21 தேதிகளில் இந்தியா-கரீபியன் சமூக மாநாட்டில் பங்கேற்கும் மாநாட்டில் பிரதமர் மோடிக்கு டொமினிகா அதிபர் சில்வானி பர்டன் விருதை வழங்குவார் என அறிவிக்கப்பட்டுள்ளது.
இதன் மூலம், பிரித்தானிய முன்னாள் ராணி இரண்டாம் எலிசபெத் உட்பட பல உலகப் புகழ்பெற்ற தலைவர்கள் ஏற்கனவே பெற்றுள்ள இந்த விருதை இந்தியா அடைந்துள்ளது.
