இஸ்ரோ (ISRO) இன்று (டிசம்பர் 5) ப்ரோபா 3 மிஷனை ஸ்ரீஹரிகோட்டாவில் இருந்து வெற்றிகரமாக விண்ணில் ஏவவுள்ளது. இது ஐரோப்பிய விண்வெளி ஆய்வு நிறுவனம் (ESA) சூரியனின் வளிமண்டலத்தையும் கரோனாவையும் ஆய்வு செய்வதற்காக உருவாக்கிய இரண்டு செயற்கைக்கோள்களை உள்ளடக்கியது.
இந்த ப்ரோபா 3 செயற்கைக்கோள்கள் 60,530 கிலோமீட்டர் உயரத்தில், நீளமான சுற்றுப்பாதையில் நிலைநிறுத்தப்படவுள்ளன. இதன் மூலம் செயற்கை சூரிய கிரகணங்களை உருவாக்கி சூரியனின் விஞ்ஞான தகவல்களை பகுப்பாய்வு செய்ய முடியும்.
இந்த மிஷனை ஏவுவதற்கான பணி டிசம்பர் 4ஆம் தேதி நடத்தப்பட இருந்தது. ஆனால் தொழில்நுட்ப கோளாறுகள் காரணமாக அது நாளைக்குத் தள்ளப்பட்டது. இன்று மாலை 4:12 மணிக்கு பிஎஸ்எல்வி சி59 ராக்கெட் மூலம் இந்த செயற்கைக்கோள்களை விண்ணில் அனுப்புகிறது.
இந்த நிகழ்வை நேரில் காண ஏராளமான பள்ளி மாணவர்கள் மற்றும் பொதுமக்கள் ஸ்ரீஹரிகோட்டாவுக்கு வந்துள்ளனர். இது இந்தியாவின் விண்வெளி ஆராய்ச்சியில் மேலும் ஒரு பெரும் முன்னேற்றமாகும்.
