மக்களவை எதிர்க்கட்சித் தலைவர் ராகுல் காந்தி, சிவசேனா (யுபிடி) எம்பி சஞ்சய் ராவத் மற்றும் தேசியவாத காங்கிரஸ் (சரத் பவார்) எம்பி சுப்ரியா சுலே ஆகியோர் நேற்று டெல்லியில் செய்தியாளர்களிடம் கூட்டாகப் பேசினர். அப்போது ராகுல் கூறியதாவது:- மகாராஷ்டிராவில் சமீபத்தில் நடந்த சட்டசபை தேர்தலில் போட்டியிட்ட கட்சிகளின் பிரதிநிதிகளாக நாங்கள் இங்கு வந்துள்ளோம். அந்த தேர்தலில் பயன்படுத்திய வாக்காளர் பட்டியல் மற்றும் வாக்காளர்களை ஆய்வு செய்துள்ளோம்.
அதில் சில முரண்பாடுகள் இருப்பது தெரியவந்துள்ளது. 2019 சட்டமன்றத் தேர்தலுக்கும் 2024 மக்களவைத் தேர்தலுக்கும் இடைப்பட்ட 5 ஆண்டுகளில் 32 லட்சம் புதிய வாக்காளர்கள் சேர்க்கப்பட்டுள்ளனர். ஆனால், 2024 லோக்சபா தேர்தலுக்கும், 2024 சட்டசபை தேர்தலுக்கும் இடைப்பட்ட 5 மாதங்களில் 39 லட்சம் புதிய வாக்காளர்கள் வாக்காளர் பட்டியலில் சேர்க்கப்பட்டுள்ளனர். இந்த வாக்காளர்கள் யார் என்பதுதான் எங்களின் முதல் கேள்வி.
இரண்டாவதாக, வாக்காளர் பட்டியலில் இடம் பெற்றுள்ளவர்களின் எண்ணிக்கை, வாக்களிக்கத் தகுதியான மொத்த மக்கள் தொகையை விட ஏன் அதிகமாக உள்ளது? இதற்கு தேர்தல் ஆணையம் பதில் அளிக்க வேண்டும். இவ்வாறு அவர் கூறினார். இதுகுறித்து, தேர்தல் கமிஷன் எக்ஸ் தனது சமூக வலைதளத்தில் பதிவிட்டுள்ளதாவது, “தேர்தல் ஆணையம் அரசியல் கட்சிகளை முன்னுரிமைப் பங்குதாரர்களாக கருதுகிறது. வாக்காளர் பட்டியல் தொடர்பாக அரசியல் கட்சிகள் எழுப்பும் கேள்விகளுக்கு எழுத்துப்பூர்வமாக உரிய பதில் அளிக்கப்படும்” என்றார்.
