பெங்களூரு: பெங்களூரு மற்றும் கர்நாடகாவின் பிற பகுதிகளில் அடுத்த ஐந்து நாட்களுக்கு மழை பெய்யும் என்று வானிலை ஆய்வு மையம் கணித்துள்ளது. கடந்த சில வாரங்களாக பெங்களூருவில் குளிர் அலை தீவிரமடைந்து, மக்கள் பெரும்பாலும் இரவில் வீட்டிலேயே தங்கியுள்ளனர். இந்நிலையில், பெங்களூருவின் பல பகுதிகளான எம்.ஜி. சாலை, ஜெயநகர், சிவாஜி நகர், குயின்ஸ் சாலை, ஹலசூரு, ஆர்.ஆர். நகர், இந்திரா நகர் போன்ற இடங்களில் நேற்று அதிகாலை முதல் மாலை வரை லேசான மழை பெய்தது.
குளிர்காலத்தில் பெய்த மழை மக்களை ஆச்சரியப்படுத்தியது. இது ஆண்டின் முதல் மழையாகக் கருதப்பட்டு மக்கள் அதை வரவேற்றனர். அடுத்த ஐந்து நாட்களுக்கு கர்நாடகாவின் தெற்கு மற்றும் கடலோர மாவட்டங்களில் மழை பெய்யக்கூடும் என்று இந்திய வானிலை ஆய்வு மையம் தெரிவித்துள்ளது. வடக்கு மாவட்டங்களில் வானம் மேகமூட்டத்துடன் இருக்கும், மாநிலம் குளிராக இருக்கும்.
பெங்களூருவில் இன்று அதிகபட்ச வெப்பநிலை 26 டிகிரி செல்சியஸாகவும், குறைந்தபட்ச வெப்பநிலை 16 டிகிரி செல்சியஸாகவும் இருக்கும் என்று வானிலை ஆய்வு மையம் கணித்துள்ளது. பிதர், கலபுரகி மற்றும் ராய்ச்சூர் மாவட்டங்களில் கடுமையான குளிர் இருக்கும் என்றும் தெரிவிக்கப்பட்டுள்ளது.
