சிம்லா: பிரேம் குமார் துமல் தலைமையிலான காங்கிரஸ் அரசாங்கத்தின் போது 1999-ம் ஆண்டு இமாச்சலப் பிரதேசத்தில் லாட்டரி தடை செய்யப்பட்டது. இந்த சூழலில், கடந்த வியாழக்கிழமை நடைபெற்ற மாநில அமைச்சரவைக் கூட்டத்தில் லாட்டரியை மீண்டும் அறிமுகப்படுத்த முடிவு செய்யப்பட்டது.
மாநிலத்தின் வருவாயை அதிகரிக்க இந்த முடிவு எடுக்கப்பட்டது. இமாச்சலப் பிரதேச அரசுக்கு ரூ.1,04,729 கோடி கடன் உள்ளது. வருவாய் பற்றாக்குறை, அதாவது மத்திய அரசின் நிதி உதவி, முந்தைய ஆண்டை விட 2025-ம் ஆண்டில் குறைக்கப்பட்டுள்ளதாக மாநில காங்கிரஸ் அரசு குற்றம் சாட்டியுள்ளது. இந்த சூழ்நிலையில், நிதி பற்றாக்குறையை நிவர்த்தி செய்வதற்கான நடவடிக்கைகளில் ஒன்றாக லாட்டரியை அங்கீகரிக்க முடிவு செய்யப்பட்டுள்ளது.
இதற்கான மசோதா வரும் 18-ம் தேதி தொடங்கும் சட்டமன்றக் கூட்டத்தொடரில் அறிமுகப்படுத்தப்பட உள்ளது. கேரளா, பஞ்சாப், மத்தியப் பிரதேசம், மகாராஷ்டிரா மற்றும் சிக்கிம் உள்ளிட்ட 13 மாநிலங்களில் லாட்டரிகள் சட்டப்பூர்வமாக அனுமதிக்கப்பட்டுள்ளன.
கடந்த நிதியாண்டில், பஞ்சாப் லாட்டரி மூலம் ரூ.235 கோடியும், சிறிய மாநிலமான சிக்கிம் ரூ.30 கோடியும் ஈட்டியது. கேரளா ரூ.13,582 கோடியுடன் முதலிடத்தில் உள்ளது. இந்த சூழ்நிலையில், மற்ற மாநிலங்களைப் போலவே, லாட்டரிகளை நடத்துவதற்கும் டெண்டர் நடைமுறையைப் பின்பற்ற வேண்டும் என்று மாநில தொழில்துறை அமைச்சர் ஹர்ஷ்வர்தன் சவுகான் கூறினார்.
