கோழிக்கோடு: கேரளாவின் பல மாவட்டங்களில் தொடர்ந்து கனமழை பெய்து வருகிறது. எர்ணாகுளம், திருச்சூர், பாலக்காடு, மலப்புரம், கோழிக்கோடு, வயநாடு, கண்ணூர் மற்றும் காசர்கோடு மாவட்டங்களில் கனமழை காரணமாக மக்களின் இயல்பு வாழ்க்கை கடுமையாக பாதிக்கப்பட்டுள்ளது.
பல மாவட்டங்களில் மரங்கள் வேரோடு சாய்ந்ததால் போக்குவரத்து பாதிக்கப்பட்டுள்ளது. இதில் 29 வீடுகள் சேதமடைந்துள்ளன. 700 பேர் பாதுகாப்பான இடங்களுக்கு வெளியேற்றப்பட்டுள்ளனர். அவர்கள் நிவாரண முகாம்களில் தங்க வைக்கப்பட்டுள்ளனர்.
இந்நிலையில், கனமழை காரணமாக வயநாடு மற்றும் கண்ணூர் மாவட்டங்களில் ரெட் அலர்ட் விடுக்கப்பட்டுள்ளது. இந்த மாவட்டங்களில் அடுத்த 24 மணி நேரத்தில் 20 செ.மீ மழை பெய்யும் என எச்சரிக்கை விடப்பட்டுள்ளது.
