பெங்களூரு: வயநாடு நிலச்சரிவில் சிக்கி உயிரிழந்தவர்களுக்கு 100 வீடுகள் கட்டித் தரப்படும் என்று கர்நாடக முதல்வர் சித்தராமையா தெரிவித்துள்ளார். இது தொடர்பாக அவர் வெளியிட்டுள்ள எக்ஸ் போஸ்டில், வயநாட்டில் நிலச்சரிவால் பாதிக்கப்பட்டுள்ள கேரளாவுக்கு ஆதரவாக கர்நாடகா நிற்கிறது. கர்நாடகாவின் ஆதரவை முதல்வர் பினராயி விஜயனிடம் தெரிவித்து, பாதிக்கப்பட்டவர்களுக்கு கர்நாடகா 100 வீடுகள் கட்டித் தரும் என்று உறுதி அளித்துள்ளேன்.
ஒன்றாக மீண்டும் எழுவோம்; நம்பிக்கையை மீட்டெடுப்போம்,” என்றார்.வயநாடு லோக்சபா தொகுதியில் வெற்றி பெற்று, மக்களவை எதிர்க்கட்சித் தலைவரான ராகுல் காந்தி, இந்த அறிவிப்புக்கு முதல்வர் சித்தராமையாவுக்கு நன்றி தெரிவித்தார். இக்கட்டான நிலையில் உள்ள வயநாடுக்கு தாராளமாக ஆதரவளித்த கர்நாடக மக்களுக்கும், மாநில அரசுக்கும் எனது மனமார்ந்த நன்றியைத் தெரிவித்துக் கொள்கிறேன்.
நிலச்சரிவினால் பாதிக்கப்பட்டவர்களுக்கு 100 வீடுகள் கட்டித் தருவதாக நீங்கள் உறுதியளித்திருப்பது புனர்வாழ்வு நடவடிக்கைகளில் குறிப்பிடத்தக்க ஒரு படியாகும். வயநாடுக்கு இப்போது தேவைப்படுவது இந்தியர்களின் கருணை மற்றும் ஒற்றுமையுடன் இணைந்த வலிமையாகும்.
இதேபோல், காங்கிரஸ் பொதுச் செயலாளர் பிரியங்கா காந்தியும் சித்தராமையாவுக்கு நன்றி தெரிவித்துள்ளார். சித்தராமையாவின் பதிவை இணைத்து அவர் வெளியிட்ட X பதிவில், “இந்த வகையான மற்றும் மனிதாபிமான நடவடிக்கைக்காக முதல்வர் சித்தராமையா மற்றும் கர்நாடக மக்களுக்கு எனது நன்றி” என்று தெரிவித்துள்ளார்.
