புதுடெல்லி: நாடு முழுவதும் 19 கிலோ வர்த்தக எரிவாயு சிலிண்டரின் விலை ரூ.30 குறைக்கப்பட்டுள்ளது.
சர்வதேச கச்சா எண்ணெய் விலை நிலவரத்துக்கு ஏற்ப இந்தியாவில் உள்நாட்டு மற்றும் வணிக பயன்பாட்டுக்கான சமையல் காஸ் சிலிண்டர்களின் விலையை எண்ணெய் நிறுவனங்கள் நிர்ணயம் செய்து வருகின்றன.
அதன்படி, நாடு முழுவதும் வர்த்தக பயன்பாட்டுக்கான 19 கிலோ எடை கொண்ட வணிக எரிவாயு சிலிண்டரின் விலை ரூ.30 குறைக்கப்பட்டுள்ளது. புதிய விலை இன்று முதல் அமலுக்கு வருகிறது. புதிய விலையின்படி, வர்த்தக பயன்பாட்டு சிலிண்டர் புதுதில்லியில் ரூ.1,646க்கும், மும்பையில் ரூ.1,598க்கும், சென்னையில் ரூ.1,809க்கும், கொல்கத்தாவில் ரூ.1,756க்கும் விற்பனை செய்யப்படுகிறது.
வணிக பயன்பாட்டிற்கான சிலிண்டர் விலை தொடர்ந்து நான்காவது மாதமாக குறைக்கப்பட்டுள்ளது. இருப்பினும், வீட்டு உபயோக சமையல் எரிவாயு சிலிண்டர் விலையில் எந்த மாற்றமும் இல்லை.
