திருப்பதி லட்டில் விலங்குகளின் கொழுப்பு கலக்கப்பட்டதாக எழுந்த சர்ச்சையைத் தொடர்ந்து திருமலைக்கு வரும் பிற மதத்தினருக்கு புதிய கட்டுப்பாடுகளைத் தேவஸ்தானம் விதித்துள்ளது. திருப்பதி சென்று வந்தால் திருப்பம் வரும் என்பதால், உலக புகழ்பெற்ற திருப்பதி ஏழுமலையானை தரிசிக்க தினமும் ஆயிரக்கணக்கான பக்தர்கள் வருகை தருகிறார்கள். இந்த நிலையில், திருப்பதி தேவஸ்தானம் அனைத்து வசதிகளையும் வழங்குகிறது.
)
அந்த லட்டு விவகாரம் கடந்த ஒரு வாரமாக பெரும் விவாதத்தில் உள்ளது. முதல்வர் சந்திரபாபு நாயுடு, திருப்பதி கோயில் லட்டில் விலங்குகளின் கொழுப்பு கலக்கப்பட்டதாக குற்றம்சாட்டினார். இதனால் பக்தர்கள் மத்தியில் அதிர்ச்சியையும் குழப்பத்தையும் ஏற்படுத்தியது. ஒய்.எஸ்.ஆர். காங்கிரஸ் கட்சி, இந்த குற்றச்சாட்டை அரசியல் ஆதாயத்திற்காக முதல்வர் முன்வைப்பதாக மறுத்தது.
சர்ச்சைக்கு அடுத்ததாக, லட்டு தயாரிக்க பயன்படுத்தப்பட்ட நெய்யை குஜராத்தில் உள்ள தேசிய கால்நடை ஆராய்ச்சி ஆய்வகத்துக்கு அனுப்பி ஆய்வு மேற்கொள்ளப்பட்டது. ஆய்வில், லட்டுவுக்கு பயன்படுத்திய நெய்யில் பன்றிக் மற்றும் மாட்டுக் கொழுப்பு, மீன் எண்ணெய் மற்றும் பிற எண்ணெய்கள் கலந்துள்ளதென தகவல்கள் கிடைத்தன.
இதற்கிடையில், திருப்பதி தேவஸ்தானம் புதிய நடைமுறையை அறிவித்துள்ளது. இந்து அல்லாத வேற்று மதத்தவர்களுக்கு, ஏழுமலையான் மீது நம்பிக்கை மற்றும் கவுரவம் உள்ளதாக குறிப்பிடும் படிவத்தை நிரப்பி கையெழுத்திட வேண்டும். அதற்குப் பின்னரே சுவாமியை தரிசிக்க அனுமதிக்கப்படும்.
இந்த புதிய நடவடிக்கைகள், சர்ச்சையைப் போக்குவதற்கான முயற்சியாகக் கருதப்படுகிறது. இது திருப்பதிக்கு வரும் அனைத்து பக்தர்களுக்கும் ஒரு கட்டுப்பாடு அமைக்கும் என எதிர்பார்க்கப்படுகிறது.
