ஆந்திரா, தெலுங்கானா, பீகார் ஆகிய 3 மாநிலங்களில் ரூ.6,798 கோடி மதிப்பிலான 2 ரயில்வே திட்டங்களுக்கு நேற்று மத்திய அமைச்சரவை ஒப்புதல் அளித்துள்ளது. அதன்படி, பீகாரில் சர்கதியா நர்கதியாகஞ்ச் – ரக்சால் – சீதாமர்ஹி – தர்பங்கா மற்றும் சீதாமர்ஹி – முசாபர்பூர் இடையே 256 கி.மீ. மேலும் தெலுங்கானாவை அமராவதி வழியாக இணைக்கும் வகையில் எர்ருபாளையம்-நம்பூரு இடையே புதிய 57 கி.மீ. இந்த திட்டங்களால் ஆந்திரா, தெலுங்கானா, பீகார் ஆகிய 8 மாவட்டங்களில் ரயில்வே கட்டமைப்பு மேம்படும் என மத்திய அரசு தெரிவித்துள்ளது.
மத்திய ரயில்வே துறை அமைச்சர் அஸ்வினி வைஷ்ணவ், டெல்லியில் நேற்று செய்தியாளர்களிடம் கூறியதாவது:- ஆந்திர தலைநகர் அமராவதிக்கு 57 கி.மீ., தூரம் வரை புதிய ரயில் பாதை அமைக்க மத்திய அமைச்சரவை ஒப்புதல் அளித்துள்ளது. இத்திட்டம் ரூ.2,245 கோடி செலவில் அமைக்கப்படும்.
ஐதராபாத், கொல்கத்தா, சென்னை உள்ளிட்ட நாட்டின் முக்கிய தலைநகரங்களை அமராவதியுடன் இணைக்கும் வகையில் இந்த திட்டம் செயல்படுத்தப்படும். இத்திட்டத்தின் மூலம், கிருஷ்ணா நதியின் மீது, 3.2 கி.மீ., தூரத்துக்கு ரயில்வே மேம்பாலம் கட்டப்பட உள்ளது. இது ஆந்திரப் பிரதேசத்தில் எர்ருபாளையம் – நம்பூர் இடையே அமையும்.
அமராவதி நினைவுச் சின்னம், உண்டவல்லி குகைகள், அமரேஸ்வர லிங்க சுவாமி கோயில், தியான புத்தர் திட்டம் போன்றவற்றைப் பார்க்கச் செல்பவர்களுக்கு இந்தப் பாதை எளிதானது. ஆந்திரா மசூலிப்பட்டினம், கிருஷ்ணாப்பட்டினம் மற்றும் காக்கிநாடா துறைமுகங்களையும் இந்த ரயில் பாதை இணைக்கும். பீகாரில், நர்கதியாகஞ்ச்-ரக்சல்-சீதாமர்ஹி-தர்பங்கா மற்றும் சிதாமர்ஹி-முசாபர்பூர் இடையே இரட்டைப் பாதை அமைக்கும் பணி ரூ.4,553 கோடி செலவில் மேற்கொள்ளப்படும்.
மொத்தம் 256 கி.மீ., தூரம் உள்ளதால், உத்தரபிரதேசம் மற்றும் வடக்கு பீகார் மாநில மக்கள் பயனடைவார்கள். இவ்வாறு அஸ்வினி வைஷ்ணவ் கூறினார்.
