உலகளவில் 30 முதல் 79 வயதுக்குட்பட்ட சுமார் 1.28 பில்லியன் மக்களுக்கு உயர் ரத்த அழுத்தம் (ஹைப்பர் டென்ஷன்) இருப்பதாகத் தெரிவிக்கப்பட்டுள்ளது. இந்த நிலைமையின் காரணமாக இதய நோய்கள், பக்கவாதம் போன்ற பெரும் உடல்நலப் பிரச்சனைகள் ஏற்பட வாய்ப்பு உள்ளது.உயர் ரத்த அழுத்தம் உள்ளவர்கள் மருந்துகளுடன் சேர்த்து வாழ்க்கை முறை மாற்றங்களை மேற்கொள்வது அவசியமாகும். எனினும், சில உணவு சார்ந்த சப்ளிமெண்ட்கள் ரத்த அழுத்தத்தை மேலும் உயர்த்தக்கூடியவையாக இருப்பதால், அவற்றைத் தவிர்ப்பது மிகவும் முக்கியம்.
பிட்டர் ஆரஞ்சு என்ற சப்ளிமெண்ட், உடல் எடை குறைப்பு மற்றும் ஆற்றல் பெருக்க பயன்படுத்தப்படுகிறது. ஆனால் இதில் உள்ள சைனிபிரீன் என்ற பொருள் இதயத்துடிப்பை அதிகரித்து ஹார்ட் அட்டாக் வாய்ப்பை உருவாக்குகிறது.அதிமதுரம் என்பது செரிமான சிக்கல்களுக்கு உதவியாக கருதப்படுகிறது. இதில் உள்ள கிளைசிர்ஹிசின் என்ற வேதிப்பொருள் ரத்த அழுத்தத்தை உயர்த்தும் தன்மை கொண்டது.காஃபைன் கொண்ட சப்ளிமெண்ட்களும் தவிர்க்கப்பட வேண்டும்.
இது தற்காலிகமாக ரத்த அழுத்தத்தை அதிகரிக்கக்கூடியது.யோஹிம்பைன் எனும் பொருள் ஆண்களின் விறைப்பு பிரச்சனைகளுக்காக வழங்கப்படுகிறது. இது நார்எபிநெப்ரின் அளவுகளை அதிகரித்து ரத்த அழுத்தத்தை உயர்த்தும்.எபெட்ரா என்பது ஒரு காலத்தில் பிரபலமான எடை குறைப்பு சப்ளிமெண்ட். ஆனால் இது 2004ஆம் ஆண்டு தடைசெய்யப்பட்டது. காரணம் இதயம் மற்றும் நரம்பியல் பிரச்சனைகளை ஏற்படுத்தும் ஆபத்து.
இந்த எல்லா சப்ளிமெண்ட்களும் உயர் ரத்த அழுத்தம் கொண்டவர்கள் தவிர்க்க வேண்டியவை. எந்த சப்ளிமெண்டாக இருந்தாலும் மருத்துவர் ஆலோசனை இல்லாமல் எடுத்துக்கொள்ளக்கூடாது.உங்களுடைய உடல்நிலை மற்றும் மருந்துகளுடன் தாக்கம் ஏற்பட வாய்ப்புள்ள இந்த பொருட்கள், சுயமாக எடுத்துக்கொள்ளும் போது ஆபத்தான விளைவுகளை தரக்கூடியவை.அதனால், உணவு, மருந்து, சப்ளிமெண்ட் எதையும் தவறாமல் மருத்துவரின் பரிந்துரையுடன் மட்டுமே பயன்படுத்த வேண்டும்.
வாழ்க்கை முறை மாற்றம், சீரான உணவு பழக்கம் மற்றும் ஒழுங்கான மருத்துவ ஆலோசனையுடன் உயர் ரத்த அழுத்தத்தை கட்டுப்படுத்தலாம்.உங்களுக்கேற்ப சப்ளிமெண்ட்கள் மற்றும் உடல்நல ஆலோசனைகள் குறித்த மேலதிக தகவலுக்கு, மருத்துவ நிபுணரின் வழிகாட்டலை நாடவும்.இந்த தகவல் உங்கள் ஆரோக்கிய வாழ்வுக்கு உதவ வேண்டும்.
